書展二○○九

今年的書展，兩天前開幕....

有朋友問我：喂！你去唔去行下？

唉，我就最怕人迫人的地方，趁墟咁的場面真係唔合我的性格，我又唔會去買穿水著小朋友的寫真集，亦唔會逼入粉絲群中尖叫那些所謂歌手樂隊明星偶像，更加唔會搵其他的大作家簽名。要買書，平時行書店都已經買晒啦，咁鬼多人你推我擁，無論賣的書係七折定八折，都無晒興緻睇書買書啦，係咪？

又有另外的朋友問我：喂喂，書展你有無擺書賣呀？

嗯，我今年只得一本新書出版，但是，連一本書都出唔到街見光，點會有書店肯幫我擺書賣喎。前年，有發行代理公司的攤位擺放我們出版社的二十多本書（七折賣，但賣出的書不算很多），去年我亦親身參與過澳門和香港的書店合作夥伴的書展攤位，在兩個大型書展提供空位讓我盡展曾經出版過的三十幾本書（八折賣，澳門賣得不錯，香港的成績卻差強人意），算是見識過書展是甚麼回事啦，亦知道書展這種活動，絕對不適合我們這些沒有名氣的作者。今年，再也找不到肯幫忙的夥伴借位賣書，而我又唔想將過去出版過的書俾書攤賤賣到一百元七本，亦無財力能力毅力去租個攤位自我推銷宣傳，書展，應該從此與我無緣了吧！

今年，三位朋友都有新書出版，在書展推出。

在這裡，祝朋友們的書：熱賣啊！
 

這篇文章在《飛揚博客》同步刊載