我的大日子

今日係本人既大喜日子，雖然唔會有盛大既場面，亦都唔會有華麗既婚禮，只有簡簡單單既儀式，不過有d說話，亦希望我太太，以及錫我地既人知道

(由於太太唔俾我係結婚既儀式上面唔俾我講任何野，因為佢話唔想整花佢個裝，所以只可以係到打)

首先我要好多謝自己既父母，無佢地帶我來世上，我都無機會認識到咁好既太太，亦都好多謝佢地養育我咁多年，係我既成長過程中一直支持我教育我，無佢地亦唔會有今日既我。我知道一直以來父母都好擔心我，驚我唔夠錢用，或者行差踏錯，不過，今日既我可以話俾你地知，你地唔使再擔心我啦，因為，我已經長大啦，我今日要結婚啦，我未來將會有自己既一頭家，所以，係時候由我同我太太去照顧返你地。

另外，我亦好多謝我太太既父母，生左個咁好既女出來，無佢地我都娶唔到一個咁好既太太。我知道其實佢地都好擔心，因為畢竟佢地個女仲係好細，又怕佢嫁得不開心，又怕佢將來不開心，不過，請放心，我應承兩位，我會好好照顧我太太，一生一世都唔會離棄佢，永遠都會陪伴係佢既左右，直至到我生命到了盡頭，我都會愛顧佢，一直牽著佢既手到老，我會俾任何人更加愛佢，即使將來有任何事，我寧可自己性命都不要，都會好好保護佢的。

最後，希望能夠同我太太講，雖然你唔介意場面簡單，但我卻想將最好既給你，所以，我特意選左你最鍾意既法國菜作為今晚婚禮儀式完左既晚餐，希望你會鍾意。記得由我初初識你，你覺得我只係玩玩下，但我一直話你知我係對你好認真，到今日我地結婚，我可以再次再次話你知，我對你係好認真，我一直都無後悔揀你，兩年多以一直不變，一直一直好愛你，相信，我對你既愛，到左今世完結都用唔晒，如果可以，即使下世，亦都用唔完。同時，我亦都好感謝你對我係工作上既支持，雖然你成日話幫唔到我d咩，不過，你既溫柔關懷既說話，對我已經係無限既支持。我知道我平時成日都會激親你，但你一次又一次咁原諒我，真係好多謝你，對過去的我已經無法補救，但對將來的，我一定會做得更好，令你只會感到你的世界充滿我的愛，因為，對你來說，你的世界，我就是你的唯一 (而我的世界，亦同時只會圍繞你來轉)。最好，我想同你講，我呢一生最深愛既人就係你，沒有其他女人可以令我如此著迷，過去無，將來我亦都唔會俾自己有，如果你問我會唔會有終結既一日，我可以話你知，我只會好似以下既歌詞咁，每天愛你多一些，而唔會有所減少。

     無求甚麼　無尋甚麼

     突破天地　但求夜深

     奔波以後　能望見你

     妳可否　知道麼

     平凡亦可　平淡亦可

     自有天地　但求日出

     清早到後　能望見你

     那已經　很好過

   ＊當身邊的一切如風

     是妳讓我找到根蒂

     不願離開　祗願留低

     情是永不枯萎

   ＃而每過一天　每一天　這醉者

     便愛妳多些　再多些　至滿瀉

     我發覺我最愛與妳編寫 OH OH

     以後明天的深夜

   ＋而每過一天　每一天　這醉者

     便愛妳多些　再多些　至滿瀉

     我最愛你與我這生一起 OH OH

     哪懼明天風高路斜

     名是甚麼　財是甚麼

     是好滋味　但如在生

     朝朝每夜　能望見妳

     那更加　的好過

     而每過一天　每一天　這情深者

     便愛妳多些　然後再多一些

     我最愛你與我這生一起 OH OH

     哪懼明天風高路斜

最後，請容許我大聲咁同全世界講，老婆，我真係真係好愛你，娶到你係我無比既福氣。