封閉書 - 假如奧某人係美國總統

以下故事及想法，純粹空想，如有類同，實屬本人高超，呵呵~~~~~講下笑姐，只係分享一下一d諗法，無話一定岩或者一定唔岩，可能有錯誤既地方，不過唔好見笑。

假設奧某人係美國總統，佢要創造就業，佢知道美國既金融業同科技行業已經唔可以依靠，因為呢兩個行業唔可以馬上大量創造就業，尤其係金融業，係經濟環境轉差既情況下，只會越來越少職位，但係就唔會多，咁點好，唯一既辦法就係搵個新行業出來，有咩新行業好，就搞個環保能源啦，一來又係概念野，美國一路以來都係概念同科研領先，二來，可以有新既地方創造投資機會，自然就可以創造就業，三來，就算無效果都好，當做係做下樣都好，等d中東佬唔好以為有石油就可以威脅到美國。但係，計來計去，都係得50萬個職位左右，加埋相關產業，都係得100萬個職位，但係而家要400萬個，點算。又有計…要諗辦法令到d廠搬返去美國生產先得，咁樣先可以令到職位增加，而廠多左，就可以帶動金融業以及物流業等增加職位。但係點做先可以令到d廠搬返來呢。以前美國人過渡消費，主要係人仔既產品太平，雖然佢地無咩高增值，但係只係美國本土既一成價錢，太吸引好難唔買，雖然人仔已經升值，但係升得唔夠多，所以一定要升多d，咁就可以減少用中國野，用返多d美國野，咁樣d廠就會願意搬返來。不過咁都唔係好夠，因為始終美國人工真係貴，好彩而家經濟差，人工平左，不過始終都係有差距…點好…一於告中國既產品有政府補貼，違反世貿，反正佢地而家已經用左好多辦法幫助出口，咁樣就可以加重中國產品關稅。不過咁都唔夠，重要用多重測試，之前安全既產品，只係因為兩國關係唔測試咁多，如果測試多左，一定唔可能俾你過到關。完成呢三大部署，d廠仲唔拿拿聲返來。但係，咁樣都唔係好夠安全，因為萬一我地唔買中國野，其他人買咁點算…有計，先係將自己既貨幣升值先，因為反正美國本土既出口去歐洲既製造業產品就少，加上歐洲佬係廢既，美金升佢地以為仲好，但係就唔知美國出口俾佢地既野已經係金融垃圾同埋網絡產品，佢地唔買唔得，美金升佢地仲要俾多d錢去買，另一方面又可以引佢地去美國開廠投資，因為美金升佢地又可以賺外匯。印銀紙會跌，而家邊個國家唔係到印，按GDP計，美國可能印得俾日本同英國仲少，而且，唔好唔記得萬一有咩，我地仲有全世界最多既黃金儲備去幫助。搞掂歐洲佬，蘿白頭都唔使理，反正佢只係我隻馬，唔會有野搞到我，只會乖乖聽話，唔係就唔再照佢。剩低最麻煩就係中國，不過唔緊要，美金升，中國兌美金又升，佢地兌其他貨幣升得仲快，到時邊有人買中國貨，掂晒。但係咁樣會唔會益左其他東南亞國家呢？唔…有計，各位投行快d來，係時候報國啦，你班友整左咁多屎來賣，搞到國家咁，唔想收檔就乖乖聽話，而家要你地班友寫衰新興國家，話佢地會爆金融風暴。點解？唔係咁寫，因為佢地匯率低左，成本低，d人咪爭住投資d廠係佢地到，咁搵鬼投資我地美國呀。剩低最後一條難題，就係到時中國發難唔買美國貨點算？唔怕，一來只要中國同美國既交易仲係有盈餘就有值口話佢地仲係有著數，所以佢地要升值。二來，美國反正都無野出口去中國，單睇我地既製造業就知啦，中國人邊有用咩美國產品，所以唔怕佢唔買。三來，美國經濟差，咁就有值口話d人擔心經濟差買少左中國野，唔關貨幣升值事，到佢發現都已經太遲。最後，就係將Walmart呢類入口企業加稅，但係就將GM呢類本土企業減稅，睇下仲有冇人敢唔係美國生產野。不過，講真，單單咁樣都唔得，要對班美國佬講下負任先得，咩係責任？咪就係買返本土野law，你以為係負咩責任。仲有就係唔可以借錢消費。點解？當然啦，如果你d錢買晒美國野，除非你再借錢，唔係邊有錢買中國野，呵呵~~~中國點，反正佢而家都未知，當然哄下佢話會繼續合作啦，實情係要佢個製造業出現賣唔出d貨。有咩好？咁樣佢就有過剩產能，反正佢地所謂推動內需消化過剩產能，以佢地少得可憐既人均GDP，搞咩內需，唔好講笑啦，唔內衰已經偷笑啦。唔通一人買多條菜咩。試諗下，佢地一半係農民，食得未食飽，講咩內需，剩低果一半有一半搵得一千至二千人仔一個月，買得d咩，再剩低果一半既一半係小中產，點解叫小中產，因為真係小~~~中咩產，以前有樓有股，而家股樓皆跌，變晒負資產。夠果少少有錢人，佢地一向都洗慣，唔會洗多左，咁你話邊有內需。既然佢地消化唔到過剩產，咁d產就執，執下執下，個GDP就散。你估佢4萬億就有用，只係製造業倒閉既其中一角，同埋佢地今年就話投4萬億希望填補到少左佢，下年再要增長就唔止4萬億，佢地有幾多個4萬億。到時佢地低增長或者無增長，以中國既封閉同埋法律唔健全，到時邊有人去投資，呵呵~~~~咁樣又可以有機會收多條靚，哈哈哈哈哈~~~~~