蓮香樓

今日約左 好朋友 Vinci 和 Phyllis 去左蓮香樓吃晚飯, 呢間老牌飯店我以前都有聽過, 不過就未去過, 我兩位好朋友都幫趁過, 重大力推介, 今次正好有機會可以一試。

朋友係一個星期前巳經訂位, 重要預早訂定招牌名菜 "八寶鴨", 否則到時先叫一定會無, 我心諗係咪真係咁好食呀 ? 我有點懷疑呢 ......

我地八點去到, 門口勁多人等位, 酒樓好舊式, 而且好鬼擠迫....我地要等到八點十五分先有位坐

呢隻就係招牌菜 "八寶鴨", 個個都話要食嘅八寶鴨，我都聽到隔離枱叫, 不過 d 伙記都話無晒, 呢隻鴨原來就係將蓮子和咸蛋黃釀晒入去隻鴨度, 焗得夠淋, 味道有點似粽, 其實都幾好味同幾大隻, 不過三個人食就有點兒 "溜" 了

呢個炸小棠菜其實都幾好味, 不過食完隻鴨巳經好飽, 食唔晒, 真係有點可惜

總括來講, 三個人去食隻鴨巳經好飽, 所以可以試既餸菜真係唔多, 我建議下次要有六人以上先好去, 咁就可以試到多 d 野食。同埋 d 伙記真係好"串" , 真係好似唔優做咁, 可能呢 d 就係老牌飯店既特色之一啦。