上海。上海外灘 Hyatt on the Bund

(從酒店頂層影既浦東.)

到上海旅遊，我強烈建議大家住係位於浦西黃埔灘尾尾的上海外灘茂悅大酒 Hyatt on the Bund。

Hyatt on the Bund 係07年尾開業~當時我和一班記者一齊上去試下呢間新既酒店。Hyatt on the Bund 由兩棟TOWER連接而成，其中一個特點係佢地房既景點。由於Hyatt on the Bund 位處浦西黃埔灘尾尾, 位置得天獨厚，能夠同一時間飽覽浦東和浦西的景色，相信, 未來間間酒店都能做得到。

係每一間房內，都會有落地大玻璃窗，而浴室更有一個玻璃望出房, 直接看到浦東浦西外景。每間房都會有浴缸同企缸，而個企缸亦好大，想點沖涼都得。

住Hyatt on the Bund 不可不嚐既係佢地不同既餐廳，由我一入到去係LOBBY 果層既TEA ROOM 品嚐那美味既甜品那一刻開始，就已經覺得呢間酒店好值得去。

係Hyatt on the Bund 的XINDULA RESTUARANT, 我地試左超好味既片皮鴨，燒片皮鴨既爐所用既樹木，係專登係北京運過黎~好似仲要一定係蘋果樹添~ 我從未食過咁好味既片皮鴨, 皮超級脆，肉就好軟, 入口即溶那種感覺，所以大家第時去上海旅行, 我一定推薦大家去呢度食飯~

另一間不可不嚐既REST 係VUE BAR, 係西式加BAR既形式，下層係BAR AREA, 落地玻璃可以令你一路享受迷人景色一路品嚐佢地調酒師調校既美酒，可惜我地去既時候VUE BAR仲未完全READY FOR USE, 所以冇得試。不過, VUE  BAR既上層真係不可不去，上層有1個AREA 係露天, 中間有間圓形MASSAGE池, 可以完完全全咁望到浦東浦西既景色, 我當下諗到既就係李察基爾係個MASSAGE池內嘆紅酒, 側邊有好多穿得好SEXY既鬼妹係度服侍佢咁....................真係人生一大樂事呀~!

後記︰我係Hyatt on the Bund 訓果兩晚, 唔知點解我都唔識用佢D 燈制, 由於我一個人住酒店會比較驚，所以晚上會開住電視訓之餘, 亦唔會識晒D燈。但唔知點解, 較來較去, 我都較唔到D燈, 一係就開晒, 一係就開對住我張床果張, 開極都開唔到我想要果種效果...)

下次去旅行，唔住Hyatt on the Bund 都記得要去試下佢地D RESTAURANT呀! (上面講到我唔LIKE一個人住酒店, BUT 唯獨Hyatt on the Bund 我入一房, 冇左果種好驚既感覺, 可能係因為那落地大玻璃窗既關係啦~)

(呢間餐廳又係好正又係可以睇晒浦東浦西外景...你睇下我幾咁享受呢~ 今次出TRIP, 我上左好多份報紙呀~~~)

（上面食緊果餐，係呢個鬼廚即席整既～宜家好多酒店都有SELL呢樣野~)

(呢間就係我所講既VUE BARr喇～）

係房影出去..真係好靚呀

TEA ROOM 既甜品~好好味~

係浴室影返出去, 可以望到出邊景色~呢張相既右邊係浴缸, 左邊就係企缸, 我後面先至係TOILET呀~ 好大GA~

睇下個企缸幾大~

落地大玻璃~ 如果上海日頭既景色唔係咁灰灰濛濛..住係呢度一定好正~!