網誌分類：向世界出發 |
圖片
網誌日期：2010-02-07 20:45
過年前抽空上大陸練槍, 操一操我非常普通的普通話,
順便跟內地朋友食飯聚舊
擇錯日子, 一出門口已經十分大雨,
行雷閃電, 早上九點幾天色已陰陰暗暗,
大雨到路面也看不清楚, 但車速仍然keep住百二,
一下dup到打滑, 切差啲kiss kiss, 真係嚇死我!
一小時車程, 結果用了兩小時才到達
像"地拖頭"的小狗
四肢奇短, 幾得意!!
一碟普普通通的金菇牛肉卷, 精髓在於那個"吉"
多春秋刀魚…..”春”原來係蟹籽
內地貧富懸殊愈來愈嚴重, 五條友食個普通午飯,
埋單七百幾蚊人仔, 如果要我找數一定肉赤屎.
幾鍾意同佢哋傾計, 因為佢哋八八卦卦好多嘢聽,
物價高脹, 由於近年暴發户激增,
有啲多到十世都洗唔哂, 工作? 不用了,
所以消閒地方外廿四小時都泊滿名貴房車,
波子? 買餸車而已
佢哋已經習慣了, 唔貴唔罕有唔食,
總之高價的東西就是”好東西”,
有好多時明知食唔哂仍然照order, 好浪費哦!
一般工人月薪只有六百至一千, 好奇怪他們點樣生存,
一問之下, 原來街市買餸好平, 只要不去超市買便可,
巷仔買鴨脾飯只係六蚊人仔, 相隔一條街,
價錢相差好幾十陪.
早幾星期有一家人娶媳婦, 延開三百席,
最高級那間酒店包了兩層, 那已係極限,
淨係hennessy 已經買了一百萬,
有份幚手的人全部訂做西裝, 唔貴三千蚊一套je,
利是派幾多唔使講, 食嘅係鮑參翅肚,
一人一隻大鮑魚, 唔該用刀叉食, 夠豪嗎?
黎緊下一個愛面子的人擺酒有壓力了!
嫁個內地人有錢人? Not that easy!
不單止要樣靚身材正, 有家底有學識, 自小讀貴族學校,
成村人評審, 權骨高少少都有排被人唱,
要打跛腳都唔係咁易
成條廣東道都由內地人橕起,
話說有兩位小姐排隊入LB,
用流利廣東話同店員講想睇貨架上的一個大袋,
點知換來冷眼加句冇貨喎, 兩個小姐唔忿氣,
轉個頭用翹舌普通話叫返嗰位店員攞同一個袋,
結果兩位小姐見有貨都唔同佢買,
(咁似早十年香港人去米蘭買LB的情景),
佢哋覺得LB只有北方來的村佬才用哦!
現在用CHXX同AMAXX先至能突顯身份
自3G開放後, 以為佢哋會轉用iphone,
點知……那個定位服務令他們卻步,
有人話中國人最古惑, 又點會用3G呢?! 咁又係……
雖然幾個朋友都係八十後, 但思想成熟有遠見,
精通多個語言, 說話有文有路, NDS? 唔會玩囉!
我諗新一代香港人嘅競爭力真係愈來愈低了!
