預告篇：訪問李力持！真正獨家！史上最強！

預告篇：訪問李力持！真正獨家！史上最強！

時間：     2007年4月16日             地點：     李力持導演Office

人物：     JLam、李力持導演         攝影：     健

一個為JLam Music Nation BLOG好朋友而做既訪問。一個只為你打開既天才爆笑導演李力持與變態兒童BLOG寫手JLam既對話。當文字BLOG笑爆強行進入電影笑死！會點呢？嘿嘿嘿！你地今次真係…問你死未！寫BLOG寫到咁大鑊，我都話你估我唔到，你估我唔到，你估我唔到…………

力導演簡介：

李力持，於1984年（連續四個月寄信應徵！如果你有睇JLam血淚史就知我好敬佩有堅持既人！）加入亞洲電視有限公司（ATV），擔當助理編導一職。三年後以高級編導身份轉投香港電視廣播有限公司（TVB）。於TVB後主要以拍攝電視劇為主。強勁作品有：

《蓋世豪俠》------周星馳、羅慧娟、吳孟達、藍潔瑛主演，

《他來自江湖》-----周星馳、吳孟達、萬梓良、毛舜筠主演，

於1991年進入電影圈，拍攝電影16部，大部份為喜劇例如有：

1991 龍的傳人 周星馳、毛舜筠                                    2千3百萬 執行導演、編劇

1993 唐伯虎點秋香 周星馳、鞏俐、陳百祥、鄭佩佩           4千萬 編劇、導演

1994 破壞之王 周星馳、鍾麗緹、吳孟達、林國斌              3千6.9萬 編劇、導演

1994 國產凌凌漆 周星馳、袁詠儀                                        3千7.5百萬 編劇、導演

1995 整蠱王 劉青雲、袁詠儀                                               1千0.7百萬 編劇、導演

1996 食神 周星馳、莫文蔚                                                   4千1百萬 導演

1997 愛您愛到殺死你 黎明、鄭秀文                                    1千5百萬 編劇、導演

1999 喜劇之王 周星馳、莫文蔚、張柏芝、吳孟達              3千萬 導演、策劃

2001 少林足球 周星馳、吳孟達、趙薇、李卉                      6千萬 導演、策劃

總票房達4億元！！！！！(www.tailik.com提供資料)

力：         做咩呀？

JLam：    訪問囉。

力：         問咩呀？

JLam：    問你囉。

力：         好問咩？

JLam：    幾好架。

力：         問啦咁。

JLam：    OK，首先要代表JLam Music Nation BLOG既讀者多謝李導演今日…..

力：         喂。

JLam：    吓？

力：         飲唔飲汽水呀？

JLam：    都好啦。

力：         死唔死呀？

JLam：    咩死唔死呀？

力：         Diet Coke定唔Diet Coke呀？

JLam：    Die啦Die啦…………

力：         Diet好D架！

JLam：    得未呢？

力：         不嬲都得啦！

JLam：    想問吓力導演近期有咩Project，近況…………

力：         喂。

JLam：    又咩呀？←←←(開始著火)

力：         一陣去飲茶囉？

JLam：    總之叫J媽遲D走，做埋呢個訪問先！

力：         咩媽呀？

JLam：    我亞媽呀？

力：         哦~~~你老味！

JLam：    你老味呀!!!!!!!!!!!!!!!!!!!!!!!!!!!

想知道其他精彩訪問內容，要勿切留意JLam Music Nation BLOG喇！