妖！我條底褲吹咗落街呀！！！

放假起身諗住由内至外都要作一個外表剛強而内在温柔嘅打扮！出陽台收番條全绵白色馬莎小内褲先。点知………白色小内褲不知去向！左摷右摷都冇。原來…妖！我條底褲吹咗落街呀！！！好彩冇勾住喺樓下亞老味(真名：郭麗媚)個胸圍架啫！唉…又要落街執。算啦……順便食老麥。我又一時忘記咗帶個膠袋喎，我條波褲又得一個尾袋tim…唯有揸埋一舊喺手。

落到街拯救完小内褲之後，我咪去老麥囉：

J: 唔該小姐，一個開心樂園餐吖。

S: 先生要咩包呀？

J: 用纸包得架喇。

S: 唔係呀先生，有幾款選擇架。

J: 咁你話要用膠袋包都得嘅………

S: 有漢保包!!!魚柳包!!!同芝士漢保包!!!

J: 哦…早响吖！要魚柳包……不過我今朝喉嚨痛，塊魚柳可唔可以清蒸呀？

S: 經理!!!!!!!!!

J: 講吓笑啫……

S: ……仆街佬…

J: 你話咩話？

S: 我問你係咪要“Coca Cola”，要薯條、粟米定芒果布丁！

J: 要橙汁…同…薯條吖

S: 又話喉嚨痛!!!!!

J: ……仆街婆…

S: 咩話？

J: 我話我怕出街會疴。

S: 喺度食定攞走？

J: 喺度攞走食吖。

S: 經理!!!!!!!!!

J: 喺度點食呀!!!!!咁多人排隊！攞上樓上坐喺度食啦！

S: 多謝$19.8吖！

咁我就係咁攞住盤開心樂園餐同條底褲上樓上雅座啦。我一坐低個兩毫子就碌咗落地，我一彎身執，再起番身，？我條底褲呢？咁快手？大偉高柏飛嚟咗香港咩？原來喺啱啱行過個四眼亞嬸以為我條底褲係 祝 君早安毛巾，攞埋去抹枱！如果我條底褲用嚟抹枱上D茄汁………咁…咁…我咪係史上首位M記M到男！以後叫J.M.得啦！而且今早出動嘅目的就係執番條底褲，如果唔係我喺屋企食叮叮粥加公仔點心皇啦！妖！要攞番！

J: 亞毛……我想攞番我條底褲。唔該求吓你。

毛: 利條High褲? 采！禾邊油利條High褲呀！

J: 唔係High褲呀……我條底褲呀。你揸住咗呀。

毛: 咩High褲呀？…遮住？無喇。

J:  係囉係囉…就係用黎遮住D毛果D底褲呀。比我啦…呢條呀！

毛: 哎喲……廠嘢呀…我蕉精里！精里！精里！

M:  發生咩事呀？

毛: 呢隻仆街熊仁叫我比條底褲佢又搶我條抹枱布！

J:  嘩，我頂你吖！報串就講得咁清楚！

M:  先生，我哋係一間美式連鎖快餐店。唔會有内衣褲出現。我哋集團亦聘用咗好多殘疾人仕，希望比一個自力更生嘅機會佢地。希望你專重佢地唔好頂佢地。

J:  我…………

呢個時候群眾開始起哄，我重被一對男女仇啤住……好強嘅氣！唉…唯有走先…

L:  過兒，我地都要少D嚟老麥喇。咁多瘋漢。下次去食家鄉雞囉。

Y:  姑姑，今次我地都係想試吓個飯tastic啫，都唔好食嘅！不過去家鄉雞…我怕食飛禽，鵰兄會唔Happy喎！

L:  又唔係食鵰兄…

Y:  嘻嘻嘻……我要巴辣脆鵰翼！

L:  4號餐要鵰上肶！

Y+L:    哈哈哈哈哈哈哈哈…

L:  過兒呀，去海運囉。我要退番啲SKII呀！

Y:  姑姑…妳又話淨係用巴黎雪完美嘅？

L:  唉，信錯咗琦琦個廣告囉…………