I have a dream & 麥樂雞之變

考試都要偷懶~XD

唔怕同大家講，我由細到大都有樣野好想做~

就係著住條公主裙去街,然後拍下很多很多相留念~

不過，歲月總係教人煩惱！當你唔再係小三小四而又著住一條公主裙的話(雖然我唔係好大個)，你就會好怕見到熟人或者對你投以奇怪目光的人，佢地會覺得你咁大個人仲做d咁既事，簡直係幼稚，比較激動的更會話你有公主病!

另外仲有件有趣的事同大家分享~

話說有日我放學等個同學返屋企攞個手提，然後就同佢去食野。當我地食完後，我致電回家，告知姐姐我回家啦~我姐姐想我幫佢買麥樂雞，佢同我講：「我知你唔夠錢買9件，就買6件啦。」之後我重覆一次佢想買的food：「你係咪要7件麥樂雞呀？」講完後我姐姐反問我一句：M記有7件架咩?我講間事比個朋友聽，兩人已經大笑。之後我朋友問我：「你係咪要買4件呀?」聽完後笑得仲勁! ! ! 接著就排隊，排隊時我腦中不禁諗住7-4=3...到我買啦~我竟然同個姐姐講：「唔該要3件麥樂雞呀！」個姐姐聽到後，呆左一呆，對我講：「唔好意思，我地只有6件同9件麥樂雞。」我立即講：「唔好意思呀，係6件 ! 係6件......」當時我同學喪笑，我就好embarrass!!!!

當我將此事告知姐姐，佢就嘲笑我：「咁慘呀~Happy meal都有4件麥樂雞啦~」

由於此事太太太難忘了，所以我賜予佢一個雅號─麥樂雞之變