涼茶舖新出品 -- 椰汁桂花gogogo!!!!

事原廿四味苦思量做什麼蛋糕給7月生日的愛郎周時富‧橙時, 時而學校的姨姨們剛「玩」起整桂花糕, 砵仔糕, 紅豆糕.....而愛郎又喜歡吃桂花糕....所以就做起椰汁桂花糕作愛郎的生日「蛋糕」^^~~

夏日炎炎..清清涼涼的桂花糕令人食起來很舒暢, 而且很易整...大家都不妨試試...

第一次將食譜同朋友們分享...

椰汁糕

材料:  水400ml        魚膠粉:25g             糖: 50g (我用了白晶冰糖)

花奶: 70ml                   椰汁/椰漿:200ml

1. BOWL 滾d水, 魚膠粉同糖混合,待水滾後一齊倒落滾水度攪拌至完全溶解

2.溶解後熄火, 然後將椰汁及花奶倒落去拌勻 (但不要攪起泡)

3.糕模用冰水沖一陣, 然後將混合物倒入模內, 放入雪櫃

桂花糕

材料:  滾水250ml, 凍水200ml      魚膠粉:25g           糖: 70g (我用了白晶冰糖)

桂花糖: 1.5湯匙

1. BOWL 滾d水, 魚膠粉同糖混合,待水滾後一齊倒落滾水度攪拌至完全溶解

2.溶解後熄火, 然後將桂花糖倒落去拌勻

3.拌勻後再將凍水倒入攪拌

4.糕模用冰水沖一陣, 然後將混合物倒入模內, 放入雪櫃

小比心得

1.桂花糖可以係上海舖買, 一樽腐乳既SIZE, 除左用來整糕之外, 都可以沖水飲..

2.白晶糖可係各大超市買, 用砂糖亦可, 份量一樣(也可因各人口味而調較)

3.我買了羅x神牌既魚膠粉, 一盒有50g, 剛好用來整椰汁同桂花糕~~

4.如想整到好似我那個張相的模樣,就要倒左桂花水落去先, 雪差不多15分鐘,見凝固左D..就可以落埋D 椰汁混合物入去..再雪.

5. 因椰汁糕味道較重, 而桂花糕比較清甜, 所以比例上桂花糕 3/4 or 2/3 , 椰汁糕1/4or  1/3.

6.剛在雪櫃取出的糕, 口感上會無咁甜..但「攤熱」少少, 個糕會變軟少少,而甜度也增加了... 大家要留意落糖份量及食糕時間...

7.椰汁糕可加馬豆or紅豆or 粟米都得..^^v

7.夏天又唔想食咁heavy 既ice-cream或是飲汽水, 清涼既椰汁桂花糕真係唔錯選擇...