Saturday, 25 July 2009

今晚會回老媽屋中2天!

見今日冇乜野做.  於是就煲湯煮新菜等呀媽番黎食番餐
因為我第一次整呢味新餸,所以我都係照食譜整!

我整既餸就係甜酸骨啦. 其實呢味餸係幾難整既.
但酸酸甜甜開胃岩大肚婆,所以媽咪應該好鐘意食.
我真係未整過,完全係跟食譜整- -..

準備既材料.
我用一字排黎整,然後自己用生抽,糖,鹽等等既野醃左佢先.
另外除左普通醃料我仲加左隻蛋黃,好味d咖:)!

再將紅椒,黃椒.青椒切絲 (全部我都係用一半,整個太多啦~一半就夠)
我買左地們波羅片,跟住自己切粒.
未煮之前比佢用d糖水淹住~煮果陣先倒左佢!

最後再切埋半個洋蔥,會香d


過呢味菜,所以要提早試煮.
唔好味都可以即刻趕去街市加料嘛= =|||

煮法;
1,先將醃好既排骨先落油炒一炒{原本食譜係叫我炸既,但係屋企唔夠油,轉左做煎炒,反而仲健康d tim:)!,盛起備用.

2.將洋蔥,3色椒一齊落鑊爆香佢.再加d調味料(生抽,糖膠{糖膠我本身都唔知咩黎,所以用左麥牙糖,一樣咁好味!!},茄汁,糖{茄汁同糖既比例一定要match,唔係會超酸得黎苦~},仲有小小醋,{屋企冇醋我用左壽司醋,冇影響咖對味餸,都係好好味:)!}

3.試左d汁ok啦~就可以將d炒香左既排骨落鑊一齊兜幾兜,撈暈佢,熜火前加埋d波羅,再兜一兜,唔可以兜太耐,唔係d波羅會好酸~   最後,上碟.

我試完,真係超好味.   冇得彈~
部手機影得唔清,真實係好令好colourful咖-3-!

除左餸,我仲煲左節瓜豆腐魚頭湯! oh shi~{日文:好味}
煲完d湯真係奶白色咖.  good!

我發覺自己係好鐘意煮野,
但係我太懶,唔鐘意煮完要洗,真係要改下d惰性