網誌分類：唔想再講..... |
圖片
網誌日期：2008-10-22 21:33
前日收到幼稚園寄黎既信，已經收左Ｈｅｂｅ喇，仲係上午班，真係太好喇！唔洗再煩學校既事～封信仲有張通告，有幾個親子活動既時間，睇通告ｏ個陣好似個囡已經入左學咁，第時返左學真係大把通告要睇～～
＊＊＊＊＊＊＊＊
每晚開飯既時候，都令我好頭痛～Ｈｅｂｅ好唔鐘意食飯，拎住支匙不黎不去都食唔到一啖，係有時會夾下ｄ餸食，全部人食晒佢都未食到1/3，真係好激氣
好喇，到我餵佢，都係快小小咋，不停講”吞左未呀？唔好講野啦，快ｄ食！”今日食食下仲聽到佢唱"飛.......我伴你飛，家.....我為你起"<<麥當奴叔叔之家既廣告歌>>真係唔知好嬲定好笑，暈喇！！
邊有人咁食飯ｇａ，食得幾慘～難為有ｄ小朋友飯都冇得食
Debby 2008-10-25 12:46
其實情緒可以control ga,你試下o係發脾氣之前停一停,諗一諗~有時發脾氣真係好傷感情ga,u try try 啦
Debby 2008-10-23 21:19
所以你都要有心理準備呀，你咁燥底
Elaine 2008-10-23 16:27
嘩....恭喜哂喎, yiu yiu真係叻女啊.
睇黎生小朋友都真係要好有耐性先得...真係辛苦哂d媽咪囉...