東京之旅 - Day 2

09.02.2009 - Day 2

到左第二日，一朝早起身隻眼就腫左，仲有ｄ痛....不過掛住玩都算啦，由得佢～

第一站係去Hello Kitty Land，不過我地冇入去，就去左附近既105 Yen店行，呢間都好大，行左成個鐘都唔夠皮，最尾都買左幾千Yen返出黎

之後就出發去富士急喇，駕車駛到富士急附近，就好清楚見到富士山，係成座富士山清楚見到呀積雪既富士山真係好靚

膽小既我，入到去只係玩左一個好小兒科既"MAD MOUSE",呢個小兒科既game我都有Ｄ驚....不過裡面都有好多好刺激既機動，我真係怕怕～老公就有玩既，佢一Ｄ都唔驚，仲話好玩！

臨走既時候，我地見到有一大堆雪，仲走埋去玩......擲雪球，又真係好好玩喎，仲好靚呀～白雪茫茫，真係份外浪漫

玩完之後就返今晚既"石和新光溫泉酒店"，呢間酒店Very Good，間房好大，榻榻米仲好舒服tim ar，如果整爛左，一塊榻榻米係要賠6萬Yen架

呢晚係食溫泉料理，份量唔算多，不過都夠飽既～我地之前order 左set魚生今晚宵夜既～份量兩個人不過都好多，好好味～