Body Check

今朝晨早八點鐘同熊先生去到法國醫院做身體檢查, 我同熊生都覺得, 既然諗住婚前做檢查, 而且咁大個人都未試過做body check, 不如做個詳細d, 一個package 七千幾八千蚊, 包晒驗血, 驗尿, 驗大便, 超聲波, 照肺, 婦科.....

度高磅重後, 走左去見醫生, 醫生同我計BMI [即KG/(身高X身高)], 佢....竟然....話我係標準.......佢個標準都唔知係邊度黎.....可能係外國人都唔定~~~冇咩可能係標準~~~HAHAHA

成個過程最慘係照超聲波, 話說要盤腔的話要急小便先睇到, 姑娘話要去到好急, 唔去唔得o個隻..........去到好急先通知佢幫我check, 咁我等啦, 真係去到好急o個陣驗啦, 點知原來佢個sensor 會 "gum" 落去, 我本身己經好想快d 驗完, 佢仲咁gum 法, 仲叫我放鬆d, 叫我唔好谷住個肚...........要放鬆加忍小便真係有d 難道, 做完即刻標去廁所, 由於灌左太多水關係, 兩個鐘內去左3次小便, 次次都係清水咁.

成個過程大概3個半鐘, 大概要3個星期之後先有結果, 我最擔心o既係血糖同埋膽固醇, 不過早d 知好過遲d 知, 之後都要plan 定幾時做一次.