xx東村o丫, 唔該!

某夜同熊先生由沙田搭的士返屋企, 諗住我落車後再兜去大窩口等佢轉車去屯門.

個司機諗左一陣就話 ; "應該兜去大窩口順路d喎!"

最後我地都決定經我屋企先, 一路上好興奮咁同熊先生傾計 (大部份時間都係我講緊野 :P), 傾傾下........咦, 點解去左大窩口o既?

"司機, 你仲咩行呢條路呀? 去xx東村先喎!"

司機叔叔 "唔係行呢度咩?"

"你出左城隧, 屈去梨木樹, 直去咪得law!"

司機叔叔 "差唔多o既o者, 如果你行o個度, 要兜去葵芳先得喎......"

再重覆, "唔使, 你出左城隧, 屈去梨木樹, 直去咪得law!"

司機叔叔 "..........."

跟住佢突然話 "你去XX東村呀!"

熊先生 :" 係呀, 你唔係去左YY東村呀!"

.......................................很可惜, 佢o岩o岩入左上山的路, 要上到去, 先可以落番黎........唉, 都唔係第一次架o剌, 雖然兩條村都係東村....雖然係夜更........但係都唔使自己把口講完條村名都可以去錯架........嘥我時間......呢件事令我諗起一件軼事

初出茅廬的我, 某日去門市幫手, 間門市o係某吉之島入面, 番工之前要攞證........

綠衣 : xyz (公司名)攞證o丫唔該"

實Q叔叔" 邊層架, 佢有兩間架喎!"

綠衣: "吓, 我地呢度得一間咋播, 不過我唔記得係幾多樓!"

實Q叔叔 : "你有冇攪錯呀, 自己公司係度有兩間分店都唔知, 你點做野架......

好好人的實施Q叔叔冇因為我唔知邊層就唔俾我入, 仲一邊講野, 一邊攞左我張身份證登記, 另一邊寫番我係邊家公司........

綠衣 : "咦, 我係xyz 架喎!"

實Q叔叔 ; "咪xyz law..........(望一望張登記紙, 原來寫左OSIM) 哦........xyz 呀....我攪錯左添"

滴晒汗...........我到呢一刻都唔知我公司同osim有咩關係.....無論讀音, 形像, 串法...買產品種類, 冇一相似..........佢o個種如夢初醒o既表情.....好似係我令佢攪錯咁.....唉,.....

原來人蒙起上黎係可以好嚴重的...