美國清一Sick檔案

北京奧運開幕在即 , 布殊仔又走出來講人權 , 唔該佢啦 , 最無資格講人權嗰個就係佢 , 伊拉克嗰邊都唔同佢計 , 就講返佢美國本土 , 自稱民主自由大國所定立嘅醫療制度點樣害苦無買或已擁有醫療保險的國民 。

以下係電影Sicko《美國清一Sick檔案》嘅內容 , 所講全部真實地發生在美國 :

** 美國醫療費用極度昂貴, 工業意外斷了兩根手指, 中指的接駁費用US$60,000, 無名指US$15,000, 無買保險者自行付費, 唔夠錢就自行決定接駁那一隻指頭...

** 買左保險亦好唔到多少, 每個手術要經保險公司批準, 保險公司有權認為你唔需要做呢個手術, 那個手術在試驗階段唔接受申請, 結果為此喪命的人也不計其數...

** 各大醫療機構及保險公司商商勾結, 點樣為自己利益而不顧病人死活, 利用各種藉口來不給更多保障和醫治... 批核要員批出的醫療費用越少職位越高花紅越多, 多位証人作供...明明有病也說你沒病...

** 90 年代初期, 希拉里曾在美國國會推鎖全民醫療保障計劃, 即是不論窮貴有沒有買保險, 所有美國人在有需要時也能得到適當的治療, 但遭各大醫療機構及保險公司遊說全民醫療計畫等於實行社會主義醫療, 只會令國家變成共產國家...... 因而得不到支持而失敗告吹(她今年的選舉政網中把這一項捲土重來)...

** 醫療組織及保險公司業界向美國總統及國會議員提供的政治献金由US$數萬至接近100萬......布殊成收取献金王...... 希拉里因曾大力推行對醫療組織及保險公司不利的全民醫療方案, 亦成為收取献金之后...

** 在911事件中義務作出救援而因此得到慢性疾病的人, 美國政府話因為佢地唔係被政府僱用, 如果無證明曾經為事件付出超過幾多幾多小時就拒絕提供治療援助...

** 無醫療保險又無錢支付醫葯費嘅美國人, 部份遭到醫院強行棄於街頭…

** 在反恐戰爭中, 美國捕捉了大量中東裔"恐佈份子", 將佢地囚禁喺美國南部的某個海灣, 他們所得到免費醫療係全美國最好的, 導演Michael Moore帶同一班得唔到適當醫治嘅美國人去求診... 當然是吃閉門羹...

** 古巴是美國政府的眼中釘, 經常被美國形容為極權統治下人民沒有自由的國家......Michael Moore跟吃閉門羹的一群病人順道入境求醫, 像酒店的醫院裡醫護人員免費給他們治理...

** 在美國賣的氣管道葯物為US$120, 在古巴的售價是美金5仙... 病人有感而發哭著說一家的救濟金每月只有$1,000, 但每月至少要買1至2支氣管道葯物...

** 古巴消防員聽到有 911事件的義務英雄到訪, 力邀佢地到消防局, 一一作出致敬... 在家鄉得不到的尊重, 在眼中釘國家得到英雄的款待...

** 加拿大國民原來全民醫療費用全免, 有美國人過境假扮加拿大人求診... 當然是犯法的......

** 英國國民醫療費用全免, 生仔留院費用全免, 葯物費用不論價錢分量一律GBP6.65, 低收入人仕去醫院求診政府會發還所需交通費用, 醫生若能令病人高血壓下降、成功戒煙等等便有花紅...

** 法國人醫療費用全由政府負擔, 還有免費電召醫生上門診療服務、1歐羅日間托兒服務、大病有薪假期、女性懷孕一年假期, 還有很多很多......

** 有個Anti-Michael Moore網站的網主, 因妻子患病沒錢醫治, 被迫把網站停止運作... 

所以在美國千祈唔好有病 , 一次大病可能會要你傾家蕩產 , 好多人得唔到治療走去自殺 , 政府任由病人自生自滅 , 當佢地垃圾 , 阿布殊仔 , 咁佢地又有無人權呀 。

註 : Michael Moore 幾部電影都插中美國政府要害 , 被政府視為眼中釘 , 但我覺得佢嘅敢言值得我們尊重 , 誠意推介呢部電影 , 除左可以睇到美國醫療制度嘅荒謬 , 仲可以睇埋其他國家 , 當中歐洲好多國家醫療制度值得我們借鏡 。

Michael Moore 仲有個網站跟進佢講過嘅話題 , 十分負責 。