新成員!?

8月1號的晚上9點幾，當我o係奧馬番緊工的時候，Marco用3G打電話俾我，佢話要俾d野我睇，鏡頭一轉，就見到隻狗BB...唉，說來就真係話長:

話說，marco放狗，已經連續見到佢3-4日，佢一直都以為係有人養的，到1號夜晚時，我地next door成衣舖的女仔收工時，就黎搵marco，話隻狗係對面報紙檔的，但係佢地唔要，就問我地可唔可以收留住佢先，咁marco就應承左，到第日番工，我就番去了解下，原來哩隻狗bb經已流連左差唔多成個星期，佢日頭就周圍去，好多次佢差D俾車車到，而Qpets同成衣舖的人都識晒佢，但佢地都知隻狗係街市報紙檔的。1號晚，個女仔見報紙檔收工，就叫佢地去成衣舖接番隻狗，因為已經係成衣舖留左一日，但報紙檔就唔認隻狗係佢地的，個女仔就大佢地話" 你話唔係你，咁我拎去SPCA人道毀滅架喇" 但估唔到o個個cheap佬會答" 好呀! 唔該晒" 咁就走左去。就係咁，o個晚就同左我地番屋企訓喇。後來原來附近好多街坊都話隻狗係佢地，咁o個日我part time帶狗狗去行下，跟住有2個10幾歲的女仔同佢講話原本隻狗係我阿姨養開，但係住公屋唔養得狗，所以唔要佢，咁佢地話俾埋d狗糧狗繩我地，咁阿part time哥哥就叫佢直接入舖頭俾marco，但係佢地唔敢入，因為驚我地俾番隻狗佢，真係咩人都有。

我帶佢去睇DR MIKE，原來狗狗真係好有名，去到QPETS，係人都識佢，佢真係自己玩左好多日，但係原來無人埋到佢身，因為佢驚青，所以有人遞手想摸佢，佢就咬人，但好奇怪係佢對我同MARCO都無咁做，唔知係咪聞到我地浸狗除太勁....哈哈DR MIKE話佢大概3個月大，因為仲未換牙仔。而我地幫佢改左個名叫----"二筒" 點解? 睇相就知架喇。

近住尾的位置，有2個好圓的黑斑，所以我就將前主人改的RAINBOW變成二筒，真係好似打麻雀的二筒呀....係咪好貼切哩？HEHE....不過有人話應該叫佢做三索，因為個身一共有3個黑斑，不過我都係覺得二筒得意D。

佢好聰明，第二日已經識聽自己個名，識得HAND SIT先可以食飯，但係真係好曳，無時停，佢真係可以成日唔訓覺，唔識累，MIMI好錫佢，好似湊女咁湊，佢最鍾意同SOHO玩，玩到傻咁，買俾佢D玩具佢唔玩，反而係SOHO玩，所以話SOHO係四肢發達，但係心態，追唔到歲數的成長。我地試過將二筒俾左我地其中一個客帶番屋企，但係唔夠3日就番黎，因為佢係咁係人地屋企嗚嗚叫，唔開心....但係佢而家係我地到，又心野，成日禽欄要去街玩，又成日去對面報紙檔搵佢個前主人玩，個衰人有幾次見到佢，都用腳伸開佢，但佢都仲係鍾意番去，動物就係咁，唔記仇。所以而家我地成日都要金精火眼咁"鴿"住佢，怕佢走出去俾車車親....