我的結婚證書套

一次update左好幾篇blog，因為之前實在太懶，好多野都未做，就算做左都冇update，但唔update又覺得好似冇乜進度咁，所以今日一次過update哂做過嘅野，等第二時都可以重溫番

尋日就終於拎左我本結婚證書套，呢本野前前後後訂左兩個幾月呀！本來一個月就有得扲，但當我第一次扲時，發現係我同肥b個名旁邊啲紗有小小走紗...咁我緊係要佢再做過啦！所以咪要多一個月囉～～～如果大家有興趣，都係要預多啲時間好啲，除非你冇諗住有野改啦！

呢款其實唔係咁多人訂，最多人訂係一款有個心心嘅（我上網見啲人都係訂心心款多）。但我就係鐘意佢簡簡單單

當我同肥b簽完紙，就可以將張結婚證書整整齊齊咁攝入去啦！

左邊仲可以放我地張結婚相，我就簡左呢張

因為呢張相係直身，而且我地都係帶住隻結婚介指，好有意思

當然肥b緊係話我好多餘啦，佢話到時都係放係保險箱度架啦！（唔係呀，結婚證書都要放係保險箱?）