北海道紅葉之旅 - 札幌 (Day 3)

今日原先係去富良野，我地仲叫啲團友７點半集合，點知一早落好大雨...真係好無mood呀！

當時只能有二個方案，一係照去，一係返札幌shopping...咁我地叫啲團友投票決定啦，最後答案係大比數贊成去shopping，ok，咁就去shopping啦！

大雨下的溫泉鬼

其實我唔係太鍾意shopping...我係鍾意周圍行下，睇下野咁

但我同我同行嘅同事比較鍾意買野，於是我地逐個商場係咁行。行到我腳軟，佢仲話我行得慢...唔係呀，我已經好辛苦喇！

因為我地要再集合，然後再一齊去下一個景點，但已經時間無多，於是我提議不如先食飯啦，唔好再行喇

於是我地去左拉麵共和國

佢係喺Esta 10/F

但係我已經唔想再食拉麵，而且我覺得北海道啲拉麵都唔係咁好食啫，我就覺得大阪金龍係我食過最好味嘅～～～

其實10/F忡有其他食店，我地就是但去左一間迴轉壽司度食喇

真係好抵食，大部分都係230yen!連海膽都係呀！香港根本無可能咁平！而且都唔差架！

食完飯我地就集合去Beer garden

你可以試唔同味嘅啤酒，當然要俾錢啦！

個場係無乜特別，但個beer jelly就好好味喇！

之後我地又再坐車去下一站，Sapporo Factory

佢前身係開拓使麥酒釀造所，依家改造成一個好大嘅商場。又行過...

行完後返酒店抖左一陣，就出發去食飯

又係食蟹呀！呢幾日唔係食蟹就係食拉麵，睇見都飽