新加坡遊記第三天(14/8)

行程既最後一日,起身之後就check out,放低d行李o係酒店之後,就o係酒店周圍行下,其實我住既酒店範圍都幾有學術同宗教氣氛架,因為酒店隔離就係就係Singapore Management University,呢間大學都算大law,幾條街都係佢既building,酒店另一邊係國立圖書館.同埋新加坡美術館.

此外,酒店對面係天主堂,

而下一個街口就係新加坡既主教座堂.

傳統天主教教堂既特色----大風琴

新加坡主教就住o係呢度啦.

過左主教座堂,仲有呢幢好靚既建築物,佢既前身係女修道院,而家就改建為酒吧同餐廳.呢個修道院好大間架.

之後行返去商場,諗住去食亞坤咖央,點知搵唔到,就走左去食Burger King,嘩,好heavy,攪到我同小羊太成個下晝都唔洗點再食野.

食完早餐,就去左商業中心區既Orchard Road行下商場.都係o個句,呢個行程小羊太當然興趣大d,商場對於我黎講真係冇乜特別,新加坡買野又唔係特別平仲要比消費稅tim,講靚,香港d商場仲靚得多.

一路行街一路食野,睇下隻咖哩角幾大隻

仲有麵包夾雪糕,d雪糕係一磚磚咁o係個雪糕車度拿上黎,阿伯再用菜刀切開,冇錯,係用菜刀切雪糕.

行左兩三個鐘,就返City Hall站,諗住返酒店拿回行李,不過見有時間,就去埋個榴槤度,近距離望望先.

拿回行李,就坐地鐵去機場啦.

搭地鐵途中,細心望下周圍d居住環境,d屋仔都幾靚丫.

有d屋都幾香港feel.

新加坡公屋.又幾似香港七十年代d公屋架.

去到機場搭飛機走啦,咦?隻飛機咁大隻既?

睇真d,原來係A380空中巴士呀,呢隻全世界最大既飛機呀.

當然,我坐既,只係佢隔離o個部細隻既波音飛機o者.

再見啦新加坡,唔知幾時先會講黎啦...........

因為,呢d地方,去一次就夠.其實好多時去旅行,都總會有d地方你係想再去多次,又或者覺得好正,吸引到你想下次再回味既,但呢個地方真係冇law,唔覺得有乜特色,有d地方好靚不過只因為人工化,太似香港啦,就算唔講地方,淨係d人既樣貌衣著其實都好似香港人,可能大家既經濟生活都差唔多,反而去到日本大陸台灣韓國等等呢d黑眼睛黑頭髮黃皮膚既地方,你會睇到當地人真係有佢地d樣,同香港人會唔同.定或者我食得波仔多,個樣似坡仔呢?因為我每日都比當地既遊客問路,問d車點搭..........