戀戀沖繩 Day 1 - 第一餐

到酒店安頓好以後, 都已是當地晚上八時多了 (日本快香港一個鐘), 立刻出發去食正宗日本菜!!!

酒店距離鐵路站要走15分鐘, 所以問了酒店 Information 如何搭巴士, 雞同鴨講一輪以後, 他們很友善地在地圖上點出位置, 叫我們坐 No.1, 5 或 15 號巴士, 200 円/人, 在 "縣廳前 Kencho" 下車, 真開心, 能接觸當地的文化, 也是旅行最想體驗的樂趣!!!

那霸市中心是 "國際通", 是一條長街, 像西洋菜街, 兩旁都是食肆, 購物, 娛樂的集中點, Kencho 是鐵路站, 其中一個最近"國際通"的位置, 另一個是 "牧志 Makishi" 站!!

這個就是巴士站了, 有時間表, 都準架!!!

第一餐的地方是亂打亂撞的, 在"國際通"逛逛時, 看見放在街上的 banner, 有介紹, 有優惠, 就走進去了.  餐廳名有個 "天" 字, 是在地牢的, 進去前要除鞋, 所以感覺上都很乾淨!!!

點菜時, Waiter 都很好, 知道我們是外地人, 拿了一疊有英文的紙, 是一些菜的翻譯, 但我們堅持看日文餐牌, 當然是有圖看圖, 無圖看一點似中文字啦, 寫晒日文當然叫唔出啦, 哈哈!!!!  不過, 有時叫個 "lucky draw" 都幾好呀, 睇下最後食乜都好架!!!  當中想問清楚是什麼菜, 又是雞鴨溝通啦.....但他們真是有禮, 找了個中國人來, 原來他是在廚房裡工作, 廣西人, 有他的幫助, 也總算叫了幾個菜吧!!!

這是沙律, 當中有苦瓜, 是沖繩的一種特產, 很爽, 我覺得唔算苦, 老婆話苦, 配上其他新鮮的蔬菜, 有點酸酸的汁, 好味.....

Tempura Fish, 魚亦是沖繩的一種魚, 唔知叫乜名!!!!  沒有跟醬汁, 只有一些海鹽, 原來這樣食, 也很美味!!  沖繩真的食海!!

五色刺身, 有吞拿魚, 三文魚, 八爪魚, 魷魚, 和唔知乜魚 (右上角), 新鮮的海產和 wasabi !!!!!!!  Oishi!!!!

其實仲有一樣叫石桓牛 sushi, 因為太好味, 已經放左入口, 唔記得影相啦......哈哈!!!  石桓島是沖繩的一個外島, 唔知d牛係咪係果度養呢??  無考究過, 只知牛有牛味就得啦.........總數好似三千円內

食飽飽梗係再行街街, 夜遊 "國際通", 食雪糕, 好滑!!!!

11點半前返回 Kencho, 坐一個站鐵路, 再徒步15分鐘返酒店!!!  準備第二天駕車之旅!!!!!