戀戀沖繩 Day 2 第一站 - Emerald 海灘

第二天早上八時起床, 在酒店吃早餐, 有味噌湯, 有苦瓜炒午餐肉, 有炒蛋, 有魚, 仲食左碗日本飯+隻生蛋添, 加幾件西瓜,番茄和沖繩出名的菠蘿, 最後飲番杯醒神咖啡..................Perfect!!!!

沖繩是美軍基地, 多少有些美國特色, 但估唔到會將美國午餐肉放入食物中, 真是少見!!!  至於"沖繩出名的菠蘿" hmmmmm..... 有保留, 你地有機會自己去品評啦!!!

食飽飽早餐之後, 租車公司 OTS 的人到酒店接我們去攞車, 心想....死啦, 又要雞鴨講話?!?!  噢, 原來有一個中國人在當地讀書工作, 叫王勇, 福建人, 真厲害!!!!  如果不是他, 我還車那天都真不知如何了, 多謝您, 王勇!!

我們是在香港租車, 買 package 時攪掂晒, 免得在沖繩時煩, 其實都可以到日本時才租, 價錢應該差不多, 因為兌換率的問題吧!!  四天行程, 選擇了中間兩天駕車, 因為第一天到達都已是黃昏了, 無著數, 第四天要六點走, 成日都會在市中心內, 泊車貴, 所以在中間兩天揸到飽!!!  攞車時, 他們俾左架 Honda 1500cc, 似 Civic, 但我覺得太長, 在沖繩唔方便, 況且只有兩人, 唔使咁大馬力, 最後佢俾左架 Mazda M2 1300cc, 細細地, 幾好, 其實最想揸 Honda Fit, 不過唔緊要, 都係細架低耗油車!!  在沖繩, 除工作車外, 十架有九架半都係細車, 外地進口牌子的車都有, 不過咁多日以來, 數極都唔夠十架!!

車內有 GPS, 入個 Mapcode, 選擇路線, 走 highway, 老婆做 navigator, 我做車手, 出發了!!!

第一站 - Emerald Beach (80+ km from 那霸市)

開了兩個鐘左右, 有點塞車, 去到呢處, 睇番地圖, 我覺得是本部港附近, 橋的另一面應該是叫 "瀨底島".  這裡是間 supermarket, 要放放水, 順便買野, 塞爆個車尾箱!!!

差不多到 Emerald Beach 之前, 天氣好靚, 海水好清.........

終於到了 Emerald Beach, 天藍, 海水藍, 沙好靚, 人好多!!  呢個海灘好淺水, 就算去到浮波線, 海水都只係到腰, 所以小朋友最開心.....咁對我唔識游水的人黎講呢, 就 perfect 到無得頂啦!!! 

麥兜裡有黎根, 是這一對腳瓜嗎?!

在海灘逗留了兩個鐘, 沖涼走人, 去搵野食醫肚!!!!!!!