講故事

話說有一日, 同貓貓係床上玩時, 見佢咁乖趴左係床度, 就同佢講左以下的故事:

從前, 有3隻貓貓兔兔, 大的叫大貓貓, 中的叫中貓貓, 小的叫小貓貓.  他們分別要去起一間屋自己住, 於是就各自去搵材料起屋喇.  大貓貓好快手, 搵左好多草草返黎, 砌下砌下, 蓋下蓋下, 好快就起左間草屋出黎, 仲好香添!!  不過由於實在太香喇, 大貓貓忍唔住食左d草, 食下食下...就係咁, 食晒成間屋啦.......

至於中貓貓, 佢走去搵左好多木枝返黎, 於是就係咁死砌爛砌, 好似玩緊lego咁, 又有廁所, 又有隧道, 又有閣樓...好快砌完, 然後就係屋裡四圍走, 四圍玩, 四圍咬, 四圍爪...結果, 間屋所有木枝都俾中貓貓整爛左, 結果間屋就.......噢!!!

小貓貓出去搵材料, 搵左好耐, 見佢好氣喘, 搬左好多石頭返黎; 由於要搬好多石頭, 佢一隻兔力量又有限, 於是坐左係度想下辦法........叮!! 小貓貓即時攞左部電腦出黎, 仲上埋網, 然後打左個網址 http://www.rosybunny.com/forum, 就係個留言版留左個言, 叫晒d兔友幫忙, 叫左 Polo啦, Coco啦, 吱吱啦, Man Man啦, 亞Dee啦, 懵仔啦, 毛毛啦, 金金啦, Coffee仔啦, 豬兜啦, 奶茶啦, 奶昔啦, 熊貓仔啦, BB啦, 妹妹啦, 小白啦 ............... 死啦, 打到手軟都打唔晒咁多兔兔名..............正所謂, 人多手腳亂, 兔多好辦事!!  咁多朋友仔一齊搬, 一齊起間屋, 嘩!!  唔使三兩下手勢, 就起左間六星級超級巨型豪華宏偉極具氣派富麗堂皇金碧輝煌....嘅石頭屋喇!!!!  完工之後, 重攪左個派對一齊玩添.....就係咁, 小貓貓, 中貓貓, 大貓貓同呢班兔兔朋友仔繼續係度玩得好開心啦!!

補充資料:  由於留言板反應熱烈, 現多謝一聚兔兔幫忙!!
Polo (Rosy): 搬石仔, 整左個沙灘
Coco (Rosy): 搬大石, 因為佢夠大隻
吱吱 (檸檬): 由於係熟手技工, 負責搬廁所, 所以佢係廁所長!!
BB, 妹妹, 小白 (YUKI): 三個小朋友好合拍, 騎晒膊馬咁向上砌!!