兄弟

星期日我有一個好耐無聯絡的朋友打電話聯絡我。原因是某某同學當日結婚，問我會唔會到，事原是那位結婚的同學在學校無乜知深好友，所以我那位老死問我會唔會出席，可以幫他解悶。我同新郎新娘三九唔識七，去嚟把鬼，你估人情唔係錢。

我同那朋友失去聯絡完全是我的問題，因為我轉換電話時候沒有將所有電話存入sim咭，以致有部份電話失去，我就是這樣與她失去聯絡。

話説我同佢是好老友，因為在IED一年級時就熟識到現在。大家當時可以稱兄道弟，旁人唔清楚仲以為我同佢有路，這是世人白痴無知，同佢地解釋是浪費我時間。

雖然佢人生得幾靚，仲有D小鳥依人，可惜我對佢全無感覺，甚至當佢係男仔看待。

今次再聯絡，看來兄弟之情可以繼續。