鳳凰行山

年初六，約了賤人蛇餅、蛇餅兩個好同事、志偉、隆哥、may一齊行山。一行人由東涌坐巴士往昂平，氣溫真係好凍，凍到入心入肺個種，我個當時天氣得七八度左右。我只係穿了一個衛衣和外套，如果不是平時有抗寒訓練，我諗我會瓜左。我們經過心經簡林，正上鳯凰山，大約上了一半高度，因為有人有點不舒服，所以無奈落山，我們只行了大半個小時。但當我們要落山時，可能天氣越來越凍，我隻腳開始無力，仲有點麻痺。附近行山人士話當時天氣只得1.8度。我狼狽地，係蛇餅d同事幫助下先可以慢慢落山，但天氣越來越惡劣，大霧令視野不清，我只得見到10米內的景物，而且那些雨粉令山路難行，我行了那麼多次山，環境那麼惡劣真是第一次。我真的很驚會跌落山，因為鳯凰真的行高很斜。我當時心想如果無驚無險行落山，當晚一定會打边爐，結果當晚打边爐打得很開心，仲食左好多肥牛同芝士腸。