細妹的故事

幾日前在某討論區看到有人轉貼了話有一隻小狗急需領養 , 原因係有人想劏咗佢來食 , 與幾個版友你一言我一語地商量 , 最後決定如無人可以暫養 , 都放佢去狗酒店 , 幾經轉折終於昨晚去接佢走 .

昨晚7:30 由 Abby (轉貼者) 約埋餵開小狗的亞太帶我去接小狗 , 一去到現場亞太一叫 "細妹" , 小狗即刻跑過來 , 佢係一隻純黑色的狗女 , 但當佢見到有陌生人 , 又走開了 , 佢真係傳說中的幾大隻吓架 , 不過亞太再叫佢 , 比濕糧佢食 , 點知佢唔食 , 於是亞太就同佢帶胸帶 , 點知拖佢佢唔肯行 , 於是亞太就抱起佢行 , 原來個度有位亞叔養開佢 , 亞叔仲有養其他貓狗 , 佢話今晚嫁女 , 亞太話其實唔捨得 "細妹" , 不過為佢好都想我地帶佢走 .

亞太抱住佢去寵物店時佢有 d 震 , 可能佢驚 , 去到寵物店夜低佢沖涼 , 寵物店的老闆同亞太都好熟 , 但我覺得個女店員態度好差  , 不過見老闆都係落手落腳而佢又好人先放心 d , 亞太仲即刻先付款給老闆 , 唔肯比我比錢 .

一個鐘頭後返去接 "細妹" , 但係亞太同 Abby 分別要去餵流浪貓狗 , 之後我同朋友匯合番 Abby 就去接 "細妹" , 寵物店老闆都話佢好乖 , 唔鐘意沖涼都無咬人 , 落咗胸帶想拖佢行 , 佢都係唔行 , 於是我就抱佢行 , 嘩 ! 好聚手! 佢第一日見我都肯比我抱仲將頭仔伏係我膊頭 tim , 好乖女呀 .

下一站見獸醫 , 只係兩至三條街我手都軟埋 , 不過都頂到去診所 , 去到診所磅重原來 "細妹" 有 8.8 kg     , 經檢查後醫生話 "細妹" 大約兩至三個月大 , 佢身體各樣 ok , 不過佢有小腸氣及飛趾 , 小腸氣可以同佢 desex 時順便做埋 , 而家唔會有影響 , 至於飛趾就睇吓將來佢行路有無問題先決定需唔需要同佢做手術 , 姑且餵咗杜蟲藥比佢食 , 但佢身體有癬 , 佢仲即時 lai 個度 , 所以要帶喇叭同搽藥膏 , 比錢時 Abby 爭住比 , 不過我都比番一半佢 , 唔想佢咁重皮  , 不過 "細妹" 係診所不停流口水 , 抖氣好急 , 醫生話佢緊張叫我唔駛擔心 .

下面張相睇到佢多咗腳趾

飛的返朋友 Ricky 家中 , 入到屋我放低佢係廳中地毯同佢解帶 , 之後佢即刻係度訓覺 , 我同朋友去廚房佈置 d 嘢比佢 , 出到來佢已經訓到好 relax , 朋友的家姐有養開狗亦上來睇 "細妹" , 佢仲教我地點佈置 "細妹" d 嘢 , 到 11:30 我抱佢去廚房 , 比乾糧佢 , 佢即刻食 , 因為佢之前唔肯食嘢 , 但佢仲係好疲倦 , 所以佢係 pa 係度食 , 好可愛呀 , 跟住仲飲埋水 tim , 咁我就回家去了 , 明天會再去睇佢 .

多謝義工及版友一齊幫忙 , 更多謝我朋友 Ricky 我一打電話比佢 , 佢就立刻答應幫忙可以比 "細妹" 暫住 , 等我地有時間再幫佢搵人領養 , 各位女 blog 友如想搵個好男人又有愛心的 , 呢個唔錯架 .