無論男女，擁有插蘇鼻都表示理財觀念十分差，經常洗腳唔抹腳，所以有相書話「鼻孔朝天財難聚」，荷包有啲錢都會身痕想使晒佢。而且佢哋為人仗義疏財，問佢哋借錢通常都會應承。

此外，佢哋慾求好大，但經常無法滿足，於是會鋌而走險，希望搵快錢，滿足需要。如果缺乏定力，就會沉淪賭海，無法自拔，所以揀伴侶，千祈唔好揀佢哋，否則好大機會陪佢哋捱窮。