波蘭浪人

實在有太多 Blog 友等待浪人遊波蘭的經過, 尤其是一個在日本各地留下無數頭皮 (我唔用腳毛), 去到一個不熟悉的國度會有何困難.

首先未到波蘭, 已經在德國遇到天大問題.

浪人是在德國轉機, 需要過關入境歐盟國家先, 當內陸機咁轉機往波蘭.

浪人周遊列國, 又曾到過德國, 竟遇上咁大個人都未試過咁刁難的過關旅程.

我唔係話個關員乞人憎, 而係話佢太整色整水.

整個過關過程, 需時約 10分鐘 (可能超過10分鐘!!), 等班機鐵去機場都可能無咁耐.  關員問依樣又問東又問西仲要拿出証明, 機票酒店預約統統拿出來. 浪人早一個月才去完英國, 就算以入境嚴謹見稱的英國都無咁麻煩. 個關員無我地乎 (即係阻擋不來!), 最後佢還洗出殺手鐧, 用放大鏡加大光燈詳細檢查我地本特區護照真偽, 檢查一些秘密密碼及特徵. 浪人差 d 想爆笑出來, 使唔使咁搞笑, 忍得很辛苦, 仲要扮目無表情.  驚佢會捉左我地入房盤問就大件事!

浪人本特區護照都有很多很多其他國家入境紀錄, 單是日本都已經有不同款式的入境印鑑及貼紙. 個關員又唔係低級, 分明佢玩野, 還是當我地係國際大罪犯, 真係要問過佢先知?

最後他讓我們過關, 我們還要在他面前點算清楚文件, 以免拿漏.

跟著在我後面的歐洲人很快過關, 越過我們並發出類似 "妖" 一聲.  沒有理會他, 心想他只是一個愚昧人士, 心急就不要排在我們後面!  因為, 就算我在香港過關 (即那條隊適合任何人士排的關口), 也不會排在手持外國護照, 無香港身份証的外國人後面, 係人都知道一定唔會快.

過關之後, 才真真正正準備飛入波蘭......

浪人很想之後的事情印在書本上, 讓更多人知道波蘭是一個什麼樣的國家, 分享和介紹一個和日本都一樣值得去的國度, 了解香港人鮮為人知的波蘭歷史故事, 令其他朋友都愛上波蘭自助遊.

每一個國家都有自己的一個故事, 有了這個波蘭故事之後, 我都仍然係日本浪人.

出唔出本書?  現正考慮當中.................