講開又講

既然很快會去波蘭, 也有 H1N1 流感潮, 就要講下同兩個有關的東西.

上次歐遊到奧地利維也納, 參觀市中心 St Stephen Cathedral. 

一座大教堂是代表城市的規模, St. Stephen Cathedral 是很多到維也納旅遊人士必到的地方.

入到教堂其實會有些 side trip, 睇下你喜歡上天堂, 還是落地獄.

當然, 人們都是喜歡上天堂, 在那裡只會見到長到唔知有幾多人, 在樓梯中都有人排隊的教堂塔頂遊, 等上到教堂頂部, 觀賞宏偉的教堂.

對浪人來說, 咁浪費時間排隊的事, 只會錯過更多東西, 所以浪人選擇到地獄走一轉, 到教堂底下的萬人塚參觀, 無人排隊, 浪人仲要排頭.

那個 catacomb tour 最後有十多名遊客參加, 由一位年青導遊帶領, 前往充滿怪味的教堂地底.

只講一件東西...

導遊帶我們到一個看不見底的井旁, 那個井是由人的大腿骨砌出來.

他說, "這些都是黑死病死去的人....."

有兩個日本妹立即嚇到掩住個 nose.  其實如果仲有病毒的話, 都死梗, 唔使掩.

一條人的大腿骨其實唔係幾大條, 一個看不見底的井, 用幾多條人的大腿骨去砌, 估計一立方呎的範圍, 都要三四十條.

那個井都很寬很深, 單是那裡都可能有過萬人.....

為時數十分鐘的 tour 完結時, 個導遊在地底拉開了一個閘, 話 "完了", 行了數級階梯, 原來出了教堂外的街道, 身旁便是宏偉的教堂, 重見天日.

原來離開地獄是咁簡單, 好過離開天堂, 要行落唔知幾多級的石梯.