男女大不同

今天重陽，又是我父的生忌。父親係一個較傳統的人，

認為男主外女主內嘅，自小家貧而我又是長女，理應要

幫忙帶弟妹，做家務。但父親則有另一個睇法，他從不

要我和妹妹幫忙做家務帶弟弟，反之則要我弟弟幫忙做

家務、煮飯、買菜。他的理論係：女孩子嫁人後便要服

侍丈夫、家人、子女，到那時什麼都要做了，未出嫁又

做，那未成世都要做了；男孩子就不同了，結婚後就有

妻子服侍了，那麼未結婚前在家就要幫忙了，再者學懂

煮飯，就算老婆唔煮，自己都可以有飯食，餓唔死。

但他料不到幾十年後的今天，男女都要出來工作，吃嘛，

快餐店、餐廳周圍都有，總有一間在你左近，衣服可以

交洗衣店，再唔係，可以找個工人姐姐在家中料理家務

及照料孩子，這幾十年嘅變化可以說係翻天覆地哩！