奇妙的私影合作

上個月因為私人理由,
完全無影過私影啦...
技癢之餘,
好似技術都有點生疏....
具體而言, 應該話忘記o左同相機之間的密契,
忘記了相機的限制,
尤其係感光能力...
感受到目前 400D 的不足..... 
不過, 近半年都相信未有 budget 可以買新機,
各影友不用提醒我了....

昨晚可以話係一個幾奇妙的合作....
因為果個女仔, 本身都有留意開時裝雜誌...
佢喜歡果o的比較隨意自然的相..
唔喜歡企定定咁去影....
但如果日頭咁影, 就的確係無咩問題....
因為日頭夠光, 快門可以快得多....
但夜晚只要佢一動, 就會朦...
而我昨晚初頭就好似有一種要捉住"甩繩馬騮"o既感覺...
因為佢唔想企定定咁去影相...

但慢慢佢見到o的相,
而我又解釋佢知佢想要的東西,
夜晚會做唔到(至少我部相機做唔到)....
佢先至肯定定地擺 pose.....

不過, 佢的確係有一種當 model 的感覺....
當佢知道要用"硬照模式"去影相果陣,
佢又可以擺到一o的好自信, 好專業o既 pose 出來...
佢讓我感受到一種交流的感覺....
令我知道, 佢幾時 ready 俾我按快門....