網誌分類:+Dick.Profile+ |
圖片
網誌日期:2009-11-01 23:33
2009年10月28日@星期三
自從DICK開始換牙,我就買了牙膏+紗布,準備開始為他刷牙仔~
買了PET DENTAL這隻寵物用牙膏。
不敢買有肉味的牙膏,因為我不想靠肉味才能令DICK接受刷牙,這是為牠好的事,應該是牠要接受,而不該靠誘惑令牠接受,或者喜歡。
有肉味的牙膏,只不過是錦上添花,我要的是理所當然。
(不過如果到最後DICK好抗拒,我都會妥協,試用肉味牙膏,也正因為這是為牠好的事)
就像每天的清潔,抺手腳、屁股、尿尿處、洗眼、間中需要洗耳仔、梳毛;平時定期做的剪腳甲、腳底毛、拔耳毛、剪耳毛、修剪全身毛毛等...
這些都是要牠由細接受,而不需使用任何餌誘才能做到的事。
而且,聽KAKA說,用肉味牙膏會引至口臭...那刷牙又有何用?﹗
用紗布刷了幾次,其實都不太難。
可是,當我伸手指入DICK DICK口時,紗布被牠尖銳的犬齒刮到......
好影響進度......不夠好......
---
今晚經過CITYSUPER,見到有小牙刷賣,刷頭細小,又有軟毛選擇,
於是買了一支。
刷頭比萬字夾小。
其實我見過超級市場、個人護理店都有比這支刷頭更要細小的牙刷賣,小孩專用。
但我喜歡這支的每條刷毛的尖端的軟毛,用手摸過,真的很軟,比起自己刷那支...
希望不會令DICK DICK有粗糙的感覺~
我有個想自己先試刷的衝動...哈哈
<試用牙刷>
立即為DICK DICK試刷,第一次用牙刷刷牙,十分抗拒~
哈哈﹗意料之內~
一邊刷,DICK DICK不停用脷舐牙膏...-.-'''''''
中途還尖叫了一聲,因為我要牠張開嘴讓我刷牠牙刷的內側。
那一下,我當然立即停下來,大家都對望著...
我立即摸牠頭仔、攬攬牠,呵護牠,跟牠說句對不起,然後再跟牠說︰好啦﹗我們繼續啦~
哈哈哈哈...![]()
最後都成功刷完所有牙齒,包括內外側。
其實DICK算乖,至少我可以完全控制牠,牠亦了解我不會因為牠爭扎而放棄。
我打算,盡量每日替牠刷一次,即使不能每日,都最好隔天,不要偷懶。
牠所有健康都交在我手,又怎能不包括牙齒健康呢?...






LING♥ 2009-11-07 15:22
我bb依家開始唔肯沖涼啦..
一幫佢沖涼佢就係咁咬我又係到吠=)
吹毛又唔制.就連幫佢梳毛都唔肯呀!!!!!!
唉 ... 更何況幫佢做其他野 ..
Dick2009-11-07 23:08
哈哈...因為bb已經喧賓奪主了~
你太寵佢,所以令牠變成了你的主人。
狗狗好聰明嫁~
好識揀人蝦,所以我係採用由細head住佢到大....
咬主人係好差既行為呀~
我連狗狗"胡"主人我都已經好反對了﹗
dick都曾經好頑皮,我真係好認真咁教訓佢,即使佢細細粒,因為我已經發火了。但唔係用呢d方法,我相信dick都會好似bb咁反過來惡返主人轉頭。
直到宜家,我對佢既要求都無鬆懈到﹗
太離譜時照教訓,理得你有幾可愛,被教訓時有幾可憐~
要忍心一點,你知道自己一心是為大家好就可以了~
笨媽媽快樂家 2009-11-07 12:00
頭頂個自定欄位真係好靚,可以擺到好多相片,如果我識整就好嚕.
上海D寵物美容店話要一歲先可以幫佢狗仔擦牙,因為D牙仔未生實喎.
如果攞去沖涼既話,寵物店可以幫狗仔擦埋牙,不另加收費.
狗仔沖涼價錢跟重量計算,Donut每次沖涼費都只係38蚊咋,係咪好抵呢.
Dick2009-11-07 23:10
我諗到時佢更抗拒都似~
但聽完你咁講,我會就住來刷~
原來dount係上海住既~
之前一直睇你的blog都睇到有不同之處...
Mil@angel_ying 2009-11-05 09:40
hihi=)
你dick dick好得意丫~
我遲下都會有隻約瑟丫>3<
希望大家可以做個朋友啦^^
出黎陪d小朋友玩下咁
我一直都係養開貴婦,第一次養約瑟,希望多多指教
到時我都會po d相出黎嫁
我果隻係女仔黎~
Dick2009-11-05 17:19
無問題啦~ 一齊玩~
元寶 2009-11-04 21:38
哈囉~我搬家到pixnet了,歡迎來看看↓↓↓↓↓↓
..................................................................................................歡歡公主
牛精妹+為食柔 2009-11-02 14:08
Dick2009-11-02 15:15
我見過手指套,對dick來講好大隻手指頭,赫死佢都似.......
所以我到最後都係選用小牙刷....~
李音員 2009-11-02 00:24
我都買左牙膏牙刷喇...雲呢嗱味的牙膏...SALES姐姐話有肉味...我都覺得幾搞笑...所以都係揀左支雲呢嗱...
DICKDICK BLOG個新版面好靚喎!!!
Dick2009-11-02 00:33
我呢隻...我都聞唔出係咩味,只係聞到好似好甜咁...
個版面,可以睇返dick dick好多樣,細個樣、樣衰樣、可愛樣、傻瓜樣、貪玩樣、細粒樣、乖乖等等..
不過幾花時間,尤其放上時yahoo要就d位.......
我中間改左好多次...宜家我都覺得未係最fit~
不過我懶了~