嘩... 有書讀啦

唸中醫認識的好友報料話廣州中醫藥大學的博士課程收香港學生以兼讀形式完成課程，嘩... 岩晒啦，而且廣州中醫藥大學是少數國際認可的國內中醫藥大學。決定試下，係咪好想讀呢? 其實我都唔想迫自己，不過如果有機會，我不會錯過。但係過程都唔簡單，要考英文和兩科中醫，足足考一天半，以及要上廣州見教授。

既然決定報讀，就要認真去準備，所以even去日本滑雪，我都好discipline地每天讀書，咁....有人監督都有好大既幫助架

其實我記性不是特別好，不過我會想辨法recognize中醫理論入面既pattern同埋我老作都幾掂，所以合格掛 !?

總之，前幾日知道被取錄，真係好開心。

開心到要和朋友開支Dom慶祝。不過支Dom係人地送俾爸媽的，佢地又唔知Dom係乜，就咁放係個櫃入面，點之俾我搵到。不過媽咪屋企的酒都一定係壞既，因為香港實在太熱，冇wine cellar係唔得架。結果呢支92年Dom都係壞!! 呀，救命!! 好彩朋友話佢未飲過Dom唔知係咩味，所以唔知佢係咪壞，仲話等我畢業買番支92年Dom飲多次咪知咩味囉……..真係識tum人。