生養眾多

神要叫亞伯拉罕生養眾多,後代像天上的繁星一樣多不勝數,這是一種神賜的福份,想起自己也能夠有小孩,實在感恩,尤其看到團契像兒童樂園的情況,心裡就更感雀躍,令我想起神對亞伯拉罕說的話。

話說上周末是團契的spring party,一個弟兄開放了他的大宅招呼大家,因為團契老老少少實在太多人,所以開放時間係2 pm to whenever! 當然,大部份人都集中响late afternoon同夜晚到, 尤其佢d有小朋友o既。今年團契多了很多新父母,所以半歲樓下o既bb都有四個,再加埋個o的1-5歲o既,就起碼有8個,其實仲有d小朋友都無黎,如果到齊就起碼有15個,諗諗吓都幾恐怖,可以踢足球都得。呢d情況响加拿大不足為奇,因為呢度生活比較簡單,所以好多人都願意生1個以上,唔似得香港一樣近乎0的生育率。

不過,平日返團契就一定唔會一齊出現,因為呢度d父母都好注重小朋友的規律生活,而團契又係8-10:30pm,所以好多父母都唔會帶小朋友返,又或者大人都唔返。因此我又諗,其實小朋友是神賜的產業和福份,但點解反而又會令我地返團契o既時間小咗?好似有d本末倒置,不過當中真的有好多technical既問題令大家返唔到,也是可以理解的,所以我諗起就會好珍惜每次返團契的機會。

呢d就係加拿大團契的情況,我又諗起香港教會/團契近來好似又多咗人生仔,唔知情況又會係點樣呢?但無論响邊度,小朋友都是神賜比我地o既禮物,我地一定要比心機好好栽培,千祈唔好好似香港d新聞咁講,pat低佢地响屋企唔理.....