sms

前晚，電話震一震，收到sms，有人同我講sorry。

我一時間，唔知佢係邊個，因為只有電話，冇名。

不過，佢sms既內容，令我回想到發生左既事，同時，亦都知道佢係邊個。

我冇回覆話“唔緊要”、“傻啦”，又或者“sorry都冇用”之類的話。

我話，“i miss you ar”。

唔知佢信唔信，但係事實。收到sms前，食緊麵，食麵果時聽緊一首呢排我成日聽既歌，聽到呢首歌時我就會諗起佢。

點知，佢就sms我。世事真奇妙。

其實當日係佢同我講左一番話之後，我就delete左佢電話。

我開始發覺，今時今日，要忘記一個人，方法就係delete呢個人既電話，然後，再block埋呢個人msn。

block左我msn、facebook，delete我電話既人，應該都唔少。

其實，一個人只要換左手提電話號碼，基本上佢已經可以同所有朋友斷絕來往。

一個手提電話號碼，等同一個人的存在與否。

至於佢講左咩說話，令我即刻delete佢電話，就無謂再提。佢唔係講粗口，亦都唔係問我借錢。

佢唔係第一次同我講sorry。已經好多次，因著唔同既事。

每次佢都會問我，仲會唔會嬲佢，我每次都話，唔記得左lu。

我覺得有趣既係，delete左電話既人，唔代表會真係忘記佢，add左佢msn既人，又唔代表會聯絡佢、記得佢。

愈想忘記，愈是記起。當你忘記要忘記呢個人既時候，呢個人才會真正delete。