做人, 對自己負責 (4)

又一例 :

亞哩媽帶住 2 個塞豆山燶去飲所謂 "綜緩下午茶",  又咁o岩撞到亞燦嬸同佢個囝囝係o個到飲茶,  咁開心就 "假" 係抄埋一碟, 坐埋一檯啦。  所謂三姑六婆一坐埋就多野講啦,  上至曾笛手既施政冇加多啲娛樂費比綜緩家庭, 下至邊間超市既豬仔肉最平都會講到, 而佢地既 "o靚" 就悶出鳥來。 佢地不約而同就問佢地亞媽 :  我要行開下.  當然,  正當兩位成人講緊國家大小二事,  "假" 係唔理班 "o靚" 作反啦.   幾個細路將酒樓搖身一變為 WAR GAME 場,  檯與檯就做掩護物,  通道就係戰壕,  你追我逐, 不知幾開心,  忽然,  亞傳菜侍應捧住一盤又湯又餸,  已經哎住, 小心小心,  但酒樓如戰場,  班O靚聽到都當聽唔到啦, 何況戰情非常激烈......  侍應好小心行, 但亞dee 為左要避開亞細b 既追捕而一頭撞埋去亞侍應身上,  " boom" 亞 dee 就由頭 "食" 湯及餸到腳,  亞dee 就痛到即時放聲大哭.   係呢個時候,  亞哩媽出場啦, 佢當然愛子心切啦,  驚到破口大罵亞侍應既不是, 唔帶眼行路,  如果佢個心肝有咩毀容或三長兩短, 要亞侍應負責哂.  亞侍應除左硬食亞哩媽既恨恨地, 毫無憐憫地辱罵外, 自己對腳在今次事件中都當災而燙傷至紅腫。

********************************************

反思

1.  酒樓唔係playground,  點可以比細路周圍走架, 係神係鬼都知 ---- 有人會捧住熱野行黎行去架啦. 

2.  有事只怪別人, 你有冇諗下自己點管教自己細路呀.

3.   仲要人負責 ?  你冇野呀 !!!