and...

齊頭當700+500=1200...兩天通宵的成果..今早5點多就全部完成..而且遲到1粒鐘

故少左200蚊..然後又係度等mtr既開門..   皮膚當然殘晒...但生活迫人呢..

原來我真係幾多事..身為家姐既我的確唔岩加把咀..但有時沖口而出..又唔抵得..

衝動火燒心真係致命傷,今晚細妹叫媽咪準備聽日著既衫態度唔好..

甘我一時口快快就講..叫人幫重要甘,唔鐘意可以自己做...  然後細妹就針住我講既尼番話..

話我插咀.. 跟住佢一路比媽咪鬧..但佢依然講如果我唔插咀佢就唔會出聲..

其實兩件事唔可以拉埋黎講... 之不過佢一比媽咪鬧多句..又再話我唔插咀佢就唔會出聲既時候

我就忍唔住d火..就同佢嘈囉... 講到底我成日講出心底話有可能會令件事加火

但係我講完句野..真係無再出聲啦..但佢真係講左5-6次我唔插咀就點點點..

我先搞到火晒.. 一搞起火..就真係收制都收唔到.. 咪搞大晒件事囉...

我唔係唔想讓佢..之不過我真係忍唔到.. 最後佢重講返2年前果日

佢同細1年果個正面嘈交..我低b左出黎希望停到佢地.想話兩個都有唔岩.

但細1年就以為我全程話緊佢.就講返拜山事, 就聽到一直佢諗既野.

而且當中佢講左個平時屋企無人會講既粗口..當時細妹得10歲定9歲?

我直覺就係大唔好教壞細.你做開既事.佢以為可以做.. 就係鬧交果陣意思上係屋企唔好講尼d粗口

依家就真係現眼報..細妹就係同我講..你叫人地唔好講粗口.自己又講??

激氣既時候..我地成家都例會有唔同既粗鄙說話爆出..之不過真係無講d器官上既粗口

我果陣既意思都係甘者... 係咪我不自量力甘專制呢??其實我果陣係對佢講尼d野表現反感

但無強迫佢以後唔可以講..... 當細妹講左尼件事..我就明白到..我係佢心目中係一文不值

反而佢家家就無論對佢點.佢對佢態度都好好..但我即使做左d佢想得到既野同事..

都唔會及得上... 可能我係希望有回報.希望會當我係家姐.無既話會失望大d..

不過點都好...佢之前都講過我唔係佢家姐, 而且原來萬聖節佢早前問左佢家家先

但無同佢去.我先會同到佢去..說實在..即係後備.. 證明我係可有可無..

此時此刻..都係開始做1個不聞不問..回家就回房.不作多言既透明人吧

一個人討好..就算樣樣都表現事不關已.利益全部自己行先..亦會得人喜歡

一個人討厭..即使做什麼, 也沒有分別..