你有你滾，我有我諗

近日好多同朋友嘅傾談內容
都關於男人去滾

每一個女人
都害怕自己嗰件出去玩
上大陸、飲酒、唔見人

男人就覺得：你唔信我
女人知道：男人係欠缺自制能力嘅動物

太多太多太多北上尋歡嘅例子
太多太多平價年青中國女子

最傷害女人嘅
係男人明知道如果女人發現會傷透心
男人仍然決定為短暫嘅快樂
放低幾百一千

幾百一千就令女人傷心
原來女人嘅心係咁唔值錢
原來愛換黎嘅係痛

而家嘅風氣
好似男人就一定要滾
男人需要瞓唔同嘅床
係天性
因為男人「需要」有多個女人
又或者朋友推使
大量大量嘅藉口
令用錢買性變成係正常嘅一件事

我唔會講嗰啲：「你要滾就千祈唔好比我知！」嘅說話
咁好似講到只要我唔知就可以
我同朋友講應該係：「如果佢滾，佢就要死遠啲！同死得痛苦啲！」

好多人覺得大陸女人好利害
我只係覺得大陸女人好平
好似一舊肉
可買可賣
賣比無數嘅男人

我好少見到有人包咗個大陸女人之後生活幸福快樂嘅
如果發生於我身上我都只好講聲恭喜

男人
如果你有北上買性
請想一想你在作緊嘅孽
一刻嘅快樂
傷害真心愛你嘅人

問一問你自己
你在做什麼