港女81宗罪

在小小敏兒那邊看到她有這樣的Blog 文，我又想玩下....

以下既"港女81宗罪"

1.貪慕虛榮 咁美麗既野，人人都鍾意既，如果自己afford到，我貪架
2.咩都要男人比錢  老公就一定喇，男友未必
3.口頭話唔愛港男,實際上係溝唔到  從來無講過唔會鍾意香港既男人
4.話男友花心,自己又去溝仔  我無
5.咩都要男人就哂佢 少少啦，老公就下應該既
6.成日幻想同醫生/律師一齊 醫生都有既，律師無諗過喎
7.豬扒冇人要就係到話D港男唔敢高攀佢 從來無講過港男唔敢高攀自己
8.成日發姣,以為可以吸引男人 只限對自己鍾意既人，我認我會，但又唔覺得一定吸引
9.扮可愛,行為幼稚 嘩~我會忍唔住打巴自己，因為我扮唔到，但人地cute 又ok 喎!
10.成日溝仔,人地唔受就扮可憐 隨緣啦，但傷心總會有既
11.自以為是 個個都會架啦!!邊關男/女事?
12.喜歡名牌,冒牌都照買 我係好鍾意名牌，但唔係盲目果隻，唔會買冒牌
13.浪費金錢 都算既
14.用英文以為自己好高級,港式英語 我英文唔錯，但我無identity problem，識講中文既唔該同我講返中文
15.扮潮,個個髮型差唔多 無時間打理個頭，日日出門都好似觸左電咁,算唔算型?
16.以為自己好索 過份無自信喎
17.幻想周街D男人成日望佢,其實人地係對弱智人士好奇 呢一點我有所保留
18.以為昆到男人D錢好勁 唔覺，亦唔會咁做
19.要人請食飯 唔會，AA啦
20.扮冇帶銀包 唔會
21.為幾十蚊係到嘈 唔會
22.喜歡落bar溝仔 喜歡落bar係真既，但唔會係果度搵男友
23.花過多時間/金錢打扮,但又唔係靚 就係唔靚先要花時間同$$$，如果我好似李嘉欣咁靚我日日素顏俾你睇都得
24.咩都唔識但又要條仔咩都我識 我想佢識d我唔識既野，我又識d佢唔識既野，亙補不足!
25.成日唔比條仔同其他女仔講野,自己經常遼其他男仔 嘩,佢好辛苦喎咁，我要大家都好自由
26.自認處女 如果係就認，唔係就唔認，咁囉
27.經常要男人幫佢做工人,拎野 gentleman嘛，拎下啦，唔該隨便幫埋我d女仔朋友拎
28.喜歡八卦雜誌 睇架
29.娛樂新聞滔滔不絕,時事經濟冇樣識 兩樣都識d
30.唔做野要條仔養 我唔得架，我認我要老公養我，不過一定唔會唔做野
31.成日幻想嫁個有錢人 唔好啦，唔想生咁多個bb 喎 
32.串人但又串唔起 我唔會無啦啦串人
33.話條仔叫雞,自己又玩一夜情 無做前者，接受唔到後者
34.以為自己好多人溝 無
35.經常買衫,事後要男人找數 未結婚自己找啦，結左婚老公找
36.自己病左要24小時服侍,條仔病又唔理 自己病如果少少事就唔煩人，真係好大件事先要佢服侍，唔好話男友啦，朋友病左都唔會唔理
37.生日要人送鑽戒 結婚先買啦
38.成日買化妝品,出親街化濃妝 成日買化妝品我認，但我唔化濃妝
39.在網上跟其他港女分享溝仔心得,但90%係老作 無時間
40.十幾廿歲成日飛人,30歲之後又恨嫁 咁唔係Mr Right就要分開架啦，無話幾多歲既
41.幾十歲仲鍾意HelloKitty但又批評喜歡日本動漫的香港男性為"毒男" 拎 我無批評過人地既嗜好，所以唔好理我鍾意Hello Kitty，我真係鍾意
42.經常打人,男人還手就話蝦女仔 唔鍾意呢類身體接觸
43.唔買貴野就話冇誠意 唔會，最緊要實用，亦係我送禮之道
44.喜歡閱讀愛情小說,幻想自己是女主角 好正常
45.次次都係行商場,冇D新意 唔係，我次次都行supermarket同IKEA，都係無D新意喎
46.對自己有利就話男女平等,唔係就係到講風度 一向都話男女唔會平等，風度係要有喎，我認我係一個好有風度既女生
47.喜歡話男人樣衰但自己又唔照鏡  唔會話人樣衰
48.同一件衫著 一兩 次就唔要 唔會啦
49.成日上交友網溝仔 唔會，不過會識朋友囉
50.成日講是講非 有時啦，我認衰女
51.成堆八婆講八卦野,唔比條仔插嘴 我鍾意大家一齊講 =D
52.唔比男友睇靚女,自己迷戀男明星 唔會，係人都鍾意靚女架啦，一齊望
53.貪錢 貪呀，自己搵多d囉
54.為左錢可以放棄一切 唔會
55.有錢果時千依百順,冇錢即刻飛 唔會
56.全身上下起碼幾千 有時啦，唔係偷厄拐騙既
57.以為自己大哂,成日發老脾 唔會
58.要條仔愛佢一生一世但往往係佢自己飛人 呢個同港唔港女無關係，男人都會啦
59.飛左條仔後又搵番個男仔話自己寂寞,冇人理 唔會，肯定係有問題先分開
60.分手後將個男仔D資料(名,電話,地址)四圍公開 無做過d咁既野
61.佢自己做既野永遠係岩,有咩都係條仔錯 鬧交果時個個都係咁架啦
62.咩事都以分手作要脅 唔會，萬一真係點算
63.同個男人一齊第一件事係幫佢「保管」存摺 唔會呀，唔可能做呢d野
64.成日屈男仔 唔會
65.外表斯文,內裡open 我鍾意外表OPEN D
66.冇見識,睇唔起大陸人,覺得大陸人都係雞 有時我覺得有無文化同你係咩國家既人無關係，你衰格既，我理得你咩國家，唔見得西方國家特別好，亦唔見得國內特別差，一句，睇人
67.識男仔第一樣睇樣,第二樣睇錢 我睇人品先
68.明明唔睇書但又要扮有學識 唔會啦，一陣人地仲叻會好樣衰
69.迷信星座 唔會迷信，不過人地講就聽，唔會話人地
70.冇時間一日唔打電話比佢就以為條仔有外遇 唔會，但一定會好掛住佢
71.對男友諸多要求又唔比反駁 唔會，鬧交果時拎晒d 野出黎鬧啦
72.頭腦簡單 唔算啦...應該...
73.人地話咩都信,毫無判斷力 呀...我真係好易信人
74.過份崇尚西方國家,唔係外國野唔買 相反，我係大無畏，咩都敢試
75.電腦白痴,除左上網咩都唔識,256同512都未必識分 我識分256同512
76.經常用自以為感性的字句 ??
77.用自己男友跟別人比較 唔會啦，同得佢一齊一定係愛佢，又點會拎佢同人比
78.衡量一個人永遠係用錢 唔係，永遠係人品
79.盲目跟隨潮流 唔鍾意人人用一模一樣既野
80.網上分享和男友既野,冇D私隱 傾下大家既問題都會既，太私人就唔會
81.食飽飯冇野做上she.com批評香港男人 無上過，無時間

看來我應該很港女，當然，我在香港出世，土生土長嘛!