網誌分類：DIY櫥窗 |
圖片
網誌日期：2009-11-27 23:17
11月14日
如果有睇開我BLOG就知我去台灣前買了一份熊仔的DIY材料包，不過這個材料包真的令我好頭痕，因為說明書實在太唔清晰，對於一個新手黎講實在太多唔完善的地方。於是我就上網係咁搵多D資料，後來發覺關節位要用特別的關節骹(現在還不知道那裏有得買?) 後來向材料包的舖查問，點知佢話唔需要，結果實在令人氣憤
，她完全沒有製作的經驗卻售賣此貨物，從字裏行間可以看到她敷衍我，所以再糾纏都沒結果，唯有真的試下她敷衍我的方法。
今日終於有時間開工，返了娘家借用衣車。這部衣車係讀書時因為家政堂要車野，在超市換購的，雖然唔算好專業，但勝在方便及易於收藏。
諗諗下原來我都曾經車過公仔，中三那年車過一隻XO，可能好多人都遺忘左佢。後來因為甩毛定唔知惹蚊，被我呀媽掉了，我都差點唔記得佢曾經存在。
車左幾粒鐘後就完成了，第二日入綿花再縫縫縫。
用左一個假日就完成了餘下的部驟，不過關節位始終整得唔滿意，有點條條FING的感覺，轉動時又唔夠暢順，怪唔知得學整TEDDY BEAR要過千學費，遲D要請教下高人先。
我唔太喜歡手長腳長的熊仔，唔夠CUTE，好在我之前改短左手同腳，如果唔係更加恐怖。這個紙樣實在太唔啱比例，做出黎都唔係太滿意!
傻瓜老公竟然話佢似強強，唔係掛………………?
比賽一個跟著一個接踵而至，這是先前 post 過的新創作裝身後的模樣，是參加 香港泰迪熊獎 2009 高級服飾熊的作品......
p2t.jpg
p1.jpg
DSCN9088t.jpg
