新玩具 – LOMO仔

我買左部新玩具喇，鐘意影相既人點會得一部相機咁少!

LOMO機其實都唔係新野，傳統的機出左咁多年但都唔係平，加埋配件都可能要四五百蚊，然後再每次加埋菲林同晒相錢，條數真係好襟計。

影LOMO FEEL既相，通常影埋D無聊野，類似SNAP SHOT咁，晒出黎先睇到自己影乜，一來麻煩，二來搵位放相都係一個問題，所以令我卻步。

後來從討論區得知LOMO有數碼相機，但網友講到好廢，無一部機OK。無意中在車厘貓的BLOG見到她的作品，我覺得唔係咁差，可以接受，而且幾有FEEL。

等左一個月終於有錢買，仲等到加左價添，但買到心頭嗜，無所謂。

這部就係VQ1015的前面，勁似玩具

後面，佢係無SCREEN，只係得一個好簡單的DISPLAY。正因為唔知影乜，可以保持LOMO機原有的神秘感同驚喜。

實際大小比火柴盒大些少!

我另外買了個魚眼鏡(可以用在電話)，同JELLY LENS，我終於知道點解叫JELLY LENS。仲有相機袋同送的萬字夾相架。

其實佢個瞄準器係唔岩位，所以要自己就位，暫時影出黎既相都不太滿意，還要多加練習。