石澳小灘小小游

爸爸媽媽近來忙到屎，連打blog巡blog的時間都無，好在佢地都有啲啲良心，星期日帶我去石澳游水。

我地下午去到石澳，嘩！前所未有的垃圾灘呀，仲好大浪添呀，唉！無左童童媽媽呢個天文台科學主任，無人預測風向，今次真係弊喇！

垃圾灘真係游唔落，我地發現一個小灘，呢個小灘四圍都係大石，行落去都有啲難度架...

Cookie係石隙間走來走去，嚇屎你媽媽咩？

呢位先生係度鬼鬼祟祟，唔通呢度有金執？

Cookie：妹妹，我地上左賊船呀，不過唔駛驚，你跳落去啦，我會跟住你跳架喇...

妹妹俾阿媽虜左上船，究竟好唔好跳船逃走好呢？

你邊間報館架，做咩偷影攝影師媽媽呀？

原來港姐外景拍攝，唔怪得有狗仔隊啦...

呢個小灘的水好淺，好適合細細隻的菲菲同妹妹，佢地游得好叻呀！

我天生腿長，游唔到水，唯有跑水啦...

至於蝦條，當然為飛碟瘋狂啦。

今次我地游左好短時間，一來太淺水，二來垃圾開始攻佔小灘喇，其實呢個灘仲有好多海膽刺，絕對唔係一個適合我地的灘。

游完水，大人去大坑食飯，之後仲去「小甜谷」食糖水，我對呢間糖水店太有feel喇，所以係佢門口斟左一大灘茶，店舖的食客立即變臉(包括我爸媽)，咩啫，見面禮嘛，下次唔斟茶，生產深啡色花生醬囉...