小西灣狗仔隊大棠遊

五月三日星期日，爸爸媽媽打鑼咁早起身，搞醒食左藥的慒茶，原來我地參加左由盧叔叔發起的「小西灣狗仔隊大棠遊」，真係辛苦盧叔叔幫我地安排喇。呢次有接近一百人加幾十隻狗狗參加，出動兩駕旅遊車，真係勁呀！

去到大棠郊野公園，大人當然掛住食啦，至於狗地，咁大塊草地，當然要開波啦！薯餅同妹妹由早玩到晚，佩服佩服！

咦，乜你地唔係玩波波咩？做乜係度鬼鬼祟祟？

原來都係搵個波...

薯餅、妹妹：俾人發現左呀！喂！你係邊間報館架？！

占爸占媽因為怕占占中暑，所以太陽叔叔一日係度，占占都要躲係樹下避暑，占媽仲不停幫占占撥涼，真係廿四孝呀...

菲菲媽媽都好錫菲菲，佢為菲菲戴上濕毛巾，真係睇見到涼浸浸呀！

大Cookie與小Cookie...

大人玩「扯大纜」，爸爸玩到受傷，多謝你呀爸爸，我又上左一課喇，原來做事要做到盡，我以後乞食會乞到盡架喇...

Cookie見到大人玩「扯大纜」玩得咁high，佢又同爹爹玩返場喎...

薯餅，你做咩做吳鋼師父呀？

大明星出外，當然要帶埋「專用髮型師」啦，唔該幫我set靚啲呀...

呢個髮型，我好滿意！

又係影相的時候喇，占相公一家加兩個新抱，占爸占媽睇下你地笑得幾甜！(媽媽勁鍾意呢張相，仲好鬼羨慕占爸占媽添呀)

跟住就係我同童童兩姊妹的沙龍照(呢輯相都係媽媽的最愛...)

糖糖好叻呀，佢的平衡力好得喎...

娃娃影相好合作呀，乖女...

Coco第一次係草地跑跑跳跳，原來佢天生跑姿同鹿一樣，不過我未見過咁細隻鹿囉...

Coco：Creamy，你唔認得我咩？我係辣椒小公主呀...

睇下呢兩張相，就知道薯餅並不是「男女平等」嘅...

呢日大家玩得開唔開心？睇下Coco個樣就知啦...