好彩遇到尼泊爾太太！

夜晚喺彌敦道行到一個車站，

突然有位眼神好友善嘅尼泊爾太太用手捉住我手腕將我截停 ...

太突然我都無特別反應，然後低頭一睇地下有堆屎！

佢將我截停係因為仲差一步就踩咗落去！

嘩...唔該！唔該！好彩好彩！

即刻講 Thank You！Thank You！

跟住佢要照顧同行小朋友。

咁我就企喺堆嘢前霸住個位，有人用奇怪眼光望我，我就指吓地下！

等車期間，研究吓 ... 點解喺彌敦道會有堆屎？

應該之前發生意外！地下仲有染血嘅紙巾同繃帶包裝紙。

不過 ... 我上車之後 ... 唔知會有幾多人中招！

位尼泊爾太太好好心地、好有勇氣！

我係唔敢截停下一位途人，所以先企喺堆嘢前阻住咋！