久遺了各位，我係叮叮

各位，由於媽媽呢排都係顧住同我行街又唔帶相機，我o既blog點可以唔出相淨係講幾句當係交貨呢？我投訴左耐，卒之佢記得帶喇！

我係唔係重好靚仔呢？！媽媽話我係女仔o黎，八歲，不過媽媽話我重有四個月就九歲，重埋我張澳洲入口紙同針咭過我睇，但係我覺得自己重好細個。我非常非常鐘意bb狗，都帶過唔少徒弟仔，我會教佢地點先係good，當然o係屋企唔使咁乖，出街就一定要守規舉，要人見人錫，狗仔同狗仔要友善，所以樓下管理員姐姐都好錫我，無他，見到佢我又唔趕時間就一定自動「請請」佢，媽媽又會贊我，所以如果我「唔趕」，做下逗人開心，我好樂意！