January 24, 2006......Compensation Leave之睇戲

兩丁友再出發...今日既節目就係去睇藝伎回憶錄(Memoirs of a Geisha).

故事講述: 小小的千代因為家貧被父親輾轉賣到祗園，一個風花雪月的集中地，在那裡，置屋(藝伎屋)的買家看中千代那雙半透明的灰色眼珠，千代得到了成為藝伎的機會，亦遇上了她人生的敵人——新田置屋最受歡迎的初桃小姐。初桃出於妒忌與厭惡，處處為難千代，然而在命運的安排下，千代成為初桃的對頭實穗的“妹妹”(學徒)。實穗成為千代的師傅，教授千代一切待人接物以及吟唱舞蹈的技巧。千代獨特的眼睛註定了她擁有不平凡的人生，灰色的眼睛標示了千代命相帶水的特性，實穗形容千代像水一樣的比喻最貼切：水會不停流動著，更會隨著流經的物體而改變形狀，是最靈活的元素。千代亦不負所望，其努力加上天賦讓她成為日後祗園巨星---小百合。小百合在實穗的安排下，一步步邁向成為祗園最紅的藝伎，可是一場戰爭，卻摧毀了京都祗園的繁華。這場祗園之戰，最後到底誰勝誰負？命運會對小百合、初桃以及實穗作出怎樣的安排？(from yahoo.com.hk)

靚人靚景靚衫睇睇當娛樂都ok,不過搵三個中國人(華人)扮日本人但講英文......好奇怪!!!可能因為係美國導演美國電影既原故!!!三個女角:章子怡,鞏俐,楊紫瓊.最突出既絕對係戲份相對較少既鞏俐...演得好charm好到位!!!章子怡只能講佢夠青春同夠靚...佢今次既演出真係比之前既戲差...唔知係咪掛住記英文對白!!!不過佢學習英文既努力真係好值得人欣賞...有時睇電視佢0係外國做既interview,好大方好從容!!!雖然d人成日都笑佢英文唔好...但我覺得佢進步既速度真係好快好快!!!做乜成日都要針對佢呢?!今次最差就係楊紫瓊...我覺得係casting既問題...點解無啦啦會搵楊紫瓊做呢個角色????原全做唔到傳奇女子0個種迷死人既感覺!!!好失敗呀!!!

另一眼前一亮既就係做Sayuri小時候0個個細路女!!!大家睇既時候可以留意下