人哋亂龍唔等於我要為此疲於奔命﹗

究竟係我好得閒、我好無聊定係生活中實在有太多值得我記錄的事情。。

既然覺得自己做得咁好，當然係要好好獎勵吓。。

今日午餐對我嚟講食得好豪，我去咗食壽司重試咗新出的即開赤貝壽師雖然等咗好。。耐，

我重跟侍應打趣地說：『係唔係要同隻赤貝搏鬥﹗』

我會唔會有啲懶風趣呢﹗

喺等待期間，友人致電，嘩，電話傳來的聲好似一啲吵耳的音波咁。。耳好痛﹗我温柔地同佢講不如收線遲啲再打嚟。。

收咗線之後我諗佢應該有啲嘢好想同我講(自作多情)，

立時打俾佢。。

佢好沮喪：『今日好黑，攞公司車用時又冇，後來上咗車之後又打爛咗個太陽鏡(我心諗爛咗都好丫，還掂都好舊可以買過個新嘅，我送俾你)。。跟住又行錯路喳咗去大帽山兜咗個山一轉。。。』

我忍唔住笑得好大聲講：『哈哈哈，大帽山﹗點解唔車埋我呀，我都好想去﹗﹗』

其實佢做緊呢份工，間公司生意好多，人手就只得幾丁，老板係冇章法冇系統，做事好亂龍嘅人。其他啲人就愛理不理。接咗的生意，幾時開會又唔知、去邊度揾邊個接頭又講唔出，淨係勒一聲突然就叫佢去開會，唔係好似佢咁醒嘅人，一定攪唔掂﹗

佢早上已經忙咗一輪，當時奌幾，佢又講：『突然間叫我去XX道，問極又講唔到門牌，而家都未食飯﹗』

佢打算開完會先食嘢。。

我：『不如你食咗嘢先啦。』

佢：『但係開會時間係兩點﹗』

我：『咁你肚唔肚餓丫，又唔知門牌揾到幾時都唔知。我覺得你應該定一定神，放鬆心情嘆番杯咖啡先再揾﹗冇理由因為別人亂龍而要令自己疲於奔命。

以佢哋咁嘅工作模式，你就要改變用另一個方法嚟適應﹗』

後來友人又再打嚟。。

佢把聲精神咗好多，又有聽本小姐勸慰去咗食嘢，會也開完。。

佢：『原來係XX路唔係XX道﹗』

我就嘆緊我杯泡沫咖啡。。唔。。好味﹗