By Birthday 08

學生時代慶祝生日是一個出街嘅籍口

一班朋友正日去唱下Ｋ ＢＢＱ

收禮物 拆禮物

然後朋友生日時亦同樣重覆住差不多形式聚會

人大咗對於生日嘅看法唔同咗

不在乎是否一大班朋友同自己慶祝

亦不在乎是否正日慶生

更不在乎活動是否精彩

在乎嘅是係同朋友靜靜傾計嘅時間

好開心舊朋友聚舊

天南地北由工作傾到旅行

由自己近况傾到朋友近况

由收工開始不知不覺就傾左4個伴鐘

但似乎仍然有傾唔完嘅話題

PS：好朋友下次食飯就ok 禮物就不用了

ANYWAY 多謝哂份禮

我生日同碧琪生日差三日

星期六大家决定去大尾篤BBQ慶生

順到大埔探臻臻

(哈哈哈, 其實唔係去探臻臻  我未必去呢  所以主角係臻臻)

去到臻臻好乖冇扭計 任抱唔嬲

仲眼定定望住相機影相添呀

咁聽話真係抵鍚

玩玩下臻媽突然係雪櫃拎咗個凍綠茶味生日餅出嚟

真係好意外呀

個餅好好味 紅豆朱古力綠茶配得啱啱好

唔會溜 真係食過返尋味

臻爸爸好幸福呀

等咗個多禮拜 老婆奴終於係度拜返到嚟啦

仲要係喺我生日正返到

其實諗深一層 我唔止係等咗個多禮拜

係等咗3年幾

因為住年唔係我仲係日本 就係你唔係香港

今年係你第一次正日同我過生日

收工後知道你係我公司附近等我

我急不及待咁趕住飛住你懷中

想同你申訴返工嘅種種不快‧委屈

見到你時 你一手搽鮮花 一手拎住個 b. 仔袋

然後同我講"老婆我Book咗天與地 食你最鐘意嘅水煮魚"

呢個時侯我個心定下了

所有唔開心同委屈都隨著而散

深深感受到你對我嘅愛護

只要有你支持我  對我好

其他人已經不再重要 

更何況“她”亦非知己 更非朋友