年年七一遊行, 除了03年大字標題反23條, 其他都是炒雜菜, 總之反政府, 表達不滿。
今年政府又話聽到市民訴求, 如果我是記者, 一定會反問今年的訴求是什麼, 睇下bow tie識唔識答。
~~~~~~~~~~~~~~~~~~~~~~~~
好多年前朋友去柏林住左幾個月, 發現古怪城市有古怪傳統, 總之每年逢5月都要上街搞一轉。當年好恨香港都可以有自己既傳統, 依家終於恨到。
有朋友不遠千里返港旅遊, 順便行一行七一。 旅發局, 應該可以諗一諗, 谷大六月到七月呢個淡季。
~~~~~~~~~~~~~~~~~~~~~~~
不愧是中央十台, 政府話二萬六, 泛民話七萬六; 結果亞視只報起步時四千, 重要強調港大起步時二千六, 其它乜數字都唔報。
諗縮數, 應該是由邱德根以來的最大傳統。
~~~~~~~~~~~~~~~~~~~~~~~
我永遠不暸了解警方總要在泛民集會後公報人數。
警方的職責是維持秩序, 只要集會遊行順順利利就立大功, 唔公報人數冇人話佢失職。現在次次同人拗人數,拗多冇jetso, 拗少比人笑, 彷彿變成主辦者的非官方公關。
不務正業, 以此為甚。
~~~~~~~~~~~~~~~~~~~~~~~
警方公報左泛民集會人數, 但又冇發報早上既巡遊人數, 擺明大細超。
執法不公, 難怪越來越多示威者衡擊警方佈防, 始作俑者, 鄧竟成也。
~~~~~~~~~~~~~~~~~~~~~~~
近年遊行越來越百花齊放, 眾多自發/偶發團體齊齊上街, 更多新一代大聲發泄, 多了多元盛況, 少了共同理念, 大會對群眾的約束力越來越少, 遲早出事。
~~~~~~~~~~~~~~~~~~~~~~~
尋日有個反泛民集會, 原本無甚驚喜, 不過好笑在泛民其中一個罪狀是拖延施政 ! 大佬, 立法會內建制派票數過半, 再加埋分組點票, 泛民點可以拖延施政 ?次次唔夠票, 都係因為建制派自己分唔掂數呀 !
究竟主事人係天真無知, 抑或是故意顛倒是非 ?
~~~~~~~~~~~~~~~~~~~~~
由於遊行經驗豐富, 我的朋友現在都唔會在維園出發, 而選擇在中途出入; 最歎的行程是開始時加入龍頭, 到了灣仔落bar飲兩杯, 然後加入龍尾再行, 最後轉入LKF去同鄉會食個八寶飯。
~~~~~~~~~~~~~~~~~~~~~
利益申報, 我呢兩年都冇行七一, 包括尋日。
