裝修麻x煩 之二

話說成交之日, 律師樓交來業主立案法團文件, 講明大廈外牆不準安裝冷氣機, 所有分體只可安裝於天井位置。由於發現其它住戶各施各法, 於是即刻當面問問這位管理員。原來有關條例只適用於新入伙人士, 舊業主就點整都得。

我其實幾聰明,又奉公守法(雖然我覺得有得拗), 於是即刻和這位仁兄實地確實"天井"位置, 跟手要改裝修設計遷就冷氣機去水位。

如是者麻麻煩煩拖拉了兩個星期, 有日收到業主立案法團來信, 話之前因為安裝水喉超時, 勞煩這位管理員OT, 要罰我5舊水。

唔俾錢, 小鬼真係會搞野的 !

小心駛得萬年船, 立即重檢所有工序, 發現天井竟然冇去水位, 於是再問這位管理員,一如所料, 擺出一副事不關已的態度, 唯有叫佢問下法團主席。
"主席好忙的, 我都見唔到佢 !" (頂, 出信罰我錢, 你又可以即日搵到主席?)

過兩天, 再問管理員, 回覆是:
"主席好忙, 無暇見你 ! 你安在天井位置就可以了"
我: "但天井位置冇去水位, 有事時邊個負責 ?"
管理員: "乜野呀, 有去水位架.....呢個就係去水位"
他竟然指著外牆位扮是天井位!!!
我: "上次你同我講唔係呢個位 !"
管理員: "我邊有同你講過 ?"

既然你諗住整古我,我唯有說:
"O甘我叫埋裝修師父, 多一個人聽住, 係你講呢個位 !"
管理員一聽, 面色大變:
"做乜要叫你個師父?你裝修, 關我乜事 ?"
我:"你話叫我裝呢度丫MA, 我驚搞錯WOR"
管理員竟然即刻轉口風: "我叫你安在窗口機位置丫MA, 冇話裝分體AR !"
"O甘分體可以點裝?"
"我點知?"

$#^%$*%^#%^%*((&%$&(@~~ 基本上當時我講左好多粗口。

但更大的問題是, 所有裝修暫停, 蝕好多錢 !!我開始明白霍英東發展南沙為什麼會被迫科水百幾億了, 小鬼難鬥 !!